مرحبا بنات بالنسبة لي أول شي قالت عرفينا بنفسك وبعدين قالت ماهي مهام المساعد الإداري طبعا ً حست فيها قالت فيه أحد يقدم على وظيفة مايدري أيش مهامها أنا قاريتها بس سبحان الله نسيتها وقالت وش تعرفين في الحاسب من هو الإنسان المثقف وقالتلي كلام أحسه محيوس وقالت هل يعتبر هذا مثقف أو لا قلت موكل إنسان تقدرين تقولين له مثقف قالت طيب ملم بالثقافة والسياسة والإقتصاد وكل شي هل هذا مثقف قلت إيه طالعت فيني شوي وقامت تكتب وقالت لو تكلم عليك المدير في العمل وش بيكون موقفك قلت عادي لأنه ماراح يتكلم علي إلا إذا كان فيه تقصير في العمل وإلا كان ماتكلم قالت عندك دورات حاسب قلت لا بس أعرف للحاسب قالت تعرفين للإكسل قلت إيه وأنا بصراحه ماأعرف له أحسه صعب هههههههه وقالت وش المنتديات اللي تتابعينها عضوة فيها وإلا بس تقرين و قالت قدمتي على وظايف من قبل وقالت ليه مادرستي الماجستير قلت بصراحه مافكرت فيه يكفي الدبلوم التربوي
أحس أسئلتهم لي فيها تعقيد البنت اللي قبلي ماشاء الله قالولها عرفينا بنفسك وش أخر كتاب قريتيه عندك دورات حاسب عندك خبره بس وخلصت
لكم المصيبه العظمى شوفو كيف التصريف سألت ثنتن يسوون مقابلات قالت لا لا عادي راح تنزل الأسماء وتشوفون واللي سوولي المقابلة سألتهم وحدة تقول خير إن الله والثانية تقول لا فيه فرز نهائي راح تشوفونه بالموقع

أنا بصراحه تحطمت وين كلام اللي بملتقى شقراء على التويتر اللي يقول لا أهم شي إجتياز الإختبار المقابلة عاديه علشان مطابقة الأوراق بس آآآآآآآآآآآآآآآآآآآآآآآآآه الله يكتب لنا اللي فيه خير

بنات نصيحه لوجه الله اقروا عن مهام الوظايف اللي انتو اخترتوها لاتورطون مثلي