المشاركة الأصلية كتبت بواسطة حُلُمي التدريس

أقووووول الله يجزاكم خير لاترمون بلاكم عالبنات وتقولون مايعرفن يطبخن

تسان لكم خوات كذا فمو الكل مثلهن والله بسم الله علينا طبخ ونفخ وكللل الأكلات نعرف لها

سواءً شعبية من مرقوق وسليق وقرصان وفريك ومرورا بالأكلاا الشامية مثل المحاشي

وولا تهون المشاوي وماننسى أطباق المكرونة بكللل أشكالها وأنواعها يارب لك الحمد قلييييل البنات اللي مايعرفن

يطبخن بسم الله علينا الله لو اننا وش أساسا ايام الثانوي شغل البيت والطبخ مقسم بيني وبين أمي يوم أنا ويوم

هي طبعا في الاجازات أما ايام الدراسة فكثير أيام يكون ع أمي الغداء وأنا العشاء وأختي الحين تمشي ع هالموال مع أمي

وهي بأول ثانوي وبنات خالات كلللهم نفس الشيء طبخ ونفخ وسنع ومسنع والرفالة مهيب لنا

لكننن أعرف لكم ناس تجيب الشقاء لنفسها مثلا احيانا اطلب اغراض طبخ لأكله معينة وطويل العمر لان ماله خلق يمر كذا محل

يجمع الأغراض وماوده يطلع من استراحته يتأخر عليّ واذا دخل الاقيه داخل بعشاء معه من برا لييييش لانه متعيجز يطلع يشتري

الأغراض قولوا بعد روحي انتِ اشتريهن المهم اي هجوم عالمطاعم يكون بسبب الشباب البنات مالهم دخل الحين نطبخ بالبيت

ويدخل علينا أخوي يقول شبعان ماابي شيء اثاريه دابغها من برا وبعدين المتزوجين ممكن يكون بشهر عسل وحاب يدلع عروسته

ولا يكون ماله خلق يروح يشتري أغراض فيختصر ويتصل يطلب واكلف ماعليه يروح يجيبها وهو ماشي بعدين البنت اللي ماتعرف تطبخ

بتفتح النت وبتعرف علطول مافيه بنت ماتعرف بس فيه شاب متلهف ومتعود عالمطاعم ومايقدر يعيش بلاها

الخلاصة لاتحطون بلاكم عالبنات ترا ماصارت كل شوي رفلا ورفلا<< ترا هالكلمة عندنا بسدير بعد معناها قليلة دبرة وعكسها ظفرة يعني سنعة>>

المهم ترا بعض المتزوجين يتسذب ع ربعه ويتشكا من زوجته وانها ماتدبر شيء عشان محد يحسده

وبس سلامتكم .