اقتباس:
المشاركة الأصلية كتبت بواسطة حرف جر
ياخوك انت فاهم التجاره غلط .
العبره ماهي في راس المال الكبير العبره في كيف تبدا مشروعك وفق امكانياتك الماديه وتوسع في المشروع شوي شوي ومع الوقت راح يكبر .
لكن انت تقول التجاره بـ 500 آلف فما فوق فاسمح لي بهذا المنطق ابعد عن التجاره لانها لا تصلح لك .
فكيف حصلوا التجار في بدايتهم 500 آلف !! واصبحوا من كبار التجار
|
كلام صحيح
ترا على فكره اغلب الشغلات الي يستهينون فيها الناس هي الي فيها الخير
على سبيل المثال الكل يعرف الدهن المخلط لو تشتريه من مبسط في سوق ولا عند مسجد تلاقيه ب عشرين ريال ولو تشتريه من محل يقولك ب 40 الى مبالغ خياليه
في حين ان راس ماله مابين5 الى 10 ريال تشتريه من اصحاب الجمله
وكل ما بعت اكثر كل ما حصلت اكثر
مره من المرات زوجتي قامت تقولي ابي حليب وحفايظ للبنات وانا عاطل عن العمل
تصدقون صليت الفجر وتذكرت اني زمان كنت اكد بسيارتي
المهم والقاي عمال يبون الحرس الوطني فصرت اوديهم وارجعهم
وصرت اكد مثل الليموزين وكنت ادخل يوميا 200 ريال
اشتغلت في بسطة عود صناعي وعطور مركبه ومجموعات هدايا
في الاسواق الشعبية الي في الجنوب وكنت ادخل ربح يوميا ما بين 200 الى 700 ريال
تركت الشغله لاني ما ني سعودي يعني خفت من البلديه
في حينه ما قد شفت الا شاب سعودي واحد بس يبسط والباقي يا اجانب ولا شياب سعوديين
ومافيه ذيك البضاعة
الشغل موجود وترا كثر الكلام ما ينفع ، لازم تنزل الصبح وتخالط الناس وتعرف اشلون يشتغلون وتروح وتجي معهم
ليش ما تتعامل مع مكاتب العقار انك تسوق لهم عروضهم او تجيب لهم زباين والنت الحمدلله متوفر
تقدر تعلن في كل مكان
فيه شغالات ما يحتاج لها راس مال ابدا يحتاج لها انسان حرك
والي يقولك مافيه ريال عنده ما اعتقد لانه اغلب الشباب العاطلين اشوف جوالتهم اخر صرعه
اسعارها ما بين 1000 الى 3000
الهمه يا شباب والله ان العمل الحر فيه خير اكثر من الوظايف بس وين الي يصبر ويصحى من الفجر