اقتباس:
المشاركة الأصلية كتبت بواسطة بوكهانتس
مسى الخير
ماراح اطول عليكم بدخل بالموضوع ع طول
مشكلتي اني كل ما ادخل على تقديم طلب بطاقات يحولني دايركت على حافز ادخل رقم الهويه والباس
يرجعني لصفحة البدايه في طاقات الين طفشت 
تعتقدوا ايش السوات  |
كيف قدمت على الوظائف هل جتك رساله على الايميل ؟
طيب انا توني مقدم على وظيفة ( ولله الحمد ضبط معي ) او كنت ادخل برقم الهوية والباس اللي بموقع حافز لموقع طاقات يقلي خطأ
لكن اكتشفت طريقة وهي تغييرالرقم السري من موقع حافز فوق
خلك معي خطوة خطوة
الحين بقلك اللي عملته في التقديم على الوظيفة
عملت بحث عن وظيفة في بالي اوكيه من دون بحث متقدم بحث عادي (( قبل لا يحولني الموقع لحافز ))
طلعلي كذا صفحة
اخترت الوظيفة المناسبة
بعدها ضغطت على التقدم الآن
حولني على موقع حافز
كتبت رقم الهوية + الباس طيب
الحين حولني على موقع طاقات طيب (( الصفحة الشخصية بالتحديد ))
رحت فوق وضغطت على ( البحث عن وظيفة )
تحت لقيت ايميلي في صفحة البحث عن وظائف
كتبت نفس مواصفات الوظيفة الاولى وعملت بحث قبل لا يحولني على موقع حافز وعلى طاقات ...
جتني الوظيفة اللي قبل قليل اخترتها
بعدها ضغطت التقديم الان
جاء صفحة فيها ايميلي + رقم جوالي + رقم المنزل + خطاب التقديم ( اختياري )
بعد كذا ضغطت تحت على ( تقدم الآن باللون البرتقالي ) وبعد شوي جتني رساله تقول لقد تم ارسال الطلب بنجاح
اتذكر لما جيت اول مره ادخل على تسجيل دخول (( انبلشت في الموقع كا شوي يرجعني ))
لكن لقيت هاذي الطريقة اللي فوق واذا احد عنده طريقة افضل منها يقلنا
.............................
اخوي اذا رجعك للبداية ( ادخل على الصفحة الشخصية ) بعد كذا ادخل على بحث وظائف
وطبق اللي قلت لك عليه الله يوفقك