أعوذ بالله أختي لا تعرضين فلوس الناس هنا لبعضها وكلنا نبي نساعد بعض بدون مقابل، ولنا الأجر من الله..
بالنسبة للوظايف هالحين الهيئة الملكية بالجبيل طارحة عدد منها راجعي موقعهم عالنت وشوفي تخصصك نازل في وظيفة المدرسين والمدربين ولا لأ؟

وأنا سألت وحده أعرفها هناك قالت هالحين كل اللي وظفناهم استثنائي ((يعني بواسطة)) بس اللي علينا أننا نحاول يمكن ربي يكتب لنا رزق عندهم..

وبالنسبة للبنوك أنا ما أدري وشي الفروع الموجودة بالجبيل بس على كلام أختي أن بنك الرياض والبنك الفرنسي يوظفون سعوديات بالهبل خاصة إذا كانوا جامعيات.. لكن عليك تروحين لهم بنفسك هذا أولا، ثانيا بيقولون لك (كل البنوك) أن عندهم اختلاط يبون يشوفون رد فعلك وهم أغلب الأحيان كذابين البوابة بس مشتركة أما المكاتب مفصولة عن بعض، وثالثا إذا رحتي مع زوجك أو أبوك أو أخوك خليه يقعد برا ولا يدرون لأنهم مجرد ما يشوفون معك رجال يخافون من المشاكل ويرفضونك حتى لو كانت مؤهلاتك عالية وشخصيتك قوية...

هذا الكلام حسب خبرة أختي وزميلاتها لأنها كانت موظفة لفترة في بنك الرياض..

الله يوفقك يارب