أبشركم انحلت
طبعا مشكلتي مع الاتصال
مو مشكلة الطفران المنتف
عاد تعرفون الواحد مننا إذا انحلت مشكلته نسى مشاكل الي حوله
أتمنا ما تنسونا بوضيفتين قسم بالله مستعدين نشتغل اي شي حتى لو تبون نشتغل رقاصات
المهم ان المنتف هذا من جد منتف
ولو معه شهاده كان ضميناه معنا بس منحوس وشكله غير لائق
مو زينا ما معه سادس المسكين المنتف
تعالوا احكي لكم عن صديقي أول لان الاقربون أولى بالمعروف وهذا الي تعلمناه انا وهو من خلال تجربتنا وخبرتنا الكبيره والشاسعه والواسعه
أما انا قاعد لكم في المنتدى وبحكي لكم حكاياتي الطريفه الضريفه الغريبه العجيبه لين تطلعون لي وضيفه لو من تحت البترول غصب يعني بطلعون لي وضيفه بعصى موسى والا فرعون
صديقي هذا وحبيبي وزوجي وزوجتي وابوي وامي وحياتي كلها الي ما بعد شفت العن واكره منها , نسخه كربون مني في النحس والبهذله والغربله ومن كثر ما هو معقد ومطرود ومشيوت بالكنادر مثلي نصحته مية مليوووووووون مره ينتحر وعيا ينتحر الغبي .. وش اسوي فيه
هذا عنده سادس عشان كذا حياته كلها سادس زي نمرة السياره ريوس مهوب زيي خامس حياتي سريعه في المصايب والغربله امشيييي
بالله عشان الطلعه هذي دوروا لنا وضايف ميكانيكيين قسم بالله نفقع لكم سيارات الموضفين ونهربد في سيارات الحكومه
في احد منهم هنا
قسم بالله نفسي احلل 13 سنه بكل ما اوتيت من قوه
والا اقول
بنحش فيهم انا وخويي ونعطيهم من الكلام الدسم الي تحبه قلوبنا ولا من شاف ولا من دري
خويي هذا تقابلنا مع بعض من تسع سنين ومن هذاك الوقت واحنا من جرف في دحديره مره نبات في شعيب مره في زريبه مره في صحرى ومره في جبل تعايشنا مع كل التضاريس واذا فليناها مره مره مره تقاطينا مع هنود والا بنقاليه وسكنا معهم لين يطردونا بسبب عدم القطه قسم بالله كل الجاليات سكنا معهم بالقطه وكلهم شردونا << حتى هم يطردون العاطلين عن العمل
مو بس أهلي وأهله الي يطردون العاطلين عن العمل
مو بس الدواير الحكوميه والشركات الاهليه
ومو بس الدوريات
اصبروا لمواضيعي الي بونسكم فيها والي بفصفص لكم فصولها فصل فصل من اول فصل للاخر فصل وبسلمكم الشهاده الكبيره الي بثبت لكم فيها اني جدير بعرش ملك العاطلين
المنتف هذا الي تحت الكبري الي في جده
هذا مو منتف عادي
هذا منتف سوبر استار
هذا يقول للفقر إبعد عني وأجلس مكانك
عنده طقم واحد للصيف والشتا والربيع والخريف كلما رحنا وجينا وهو عليه لا يفصخه ولا يغسله لو يقشعه من عليه طلعت ضلاعينه مع الطقم << حاشا مو انسان هذا قرش
بس يستاهل ليش ما يقول شعر وتهل عليه القروش
أو على الاقل يجيه فله او سياره
يمكن مقتنع ان سيارته رجليه الحافيه وفلته الكرتون الي ساكن فيه وقاطع على الارض الي تحت الكبري صك مؤبد
يلعن ام الحياه الي خلته يعيش عاطل
ويلعن ام الدنيا الي ذلته لين خلته يكسب قوته من الزبايل
هذا مو بس منتف هذا قطو
قسم بالله ما حسيت بقدر حقارة الانسانيه وطمع الانسانيه الا لما شفت القطاوه انحاشت عنه وهو يقلب قلب في الزباله
ولا حسيت ببشي يفرقه عن القطاو الا لما جاب سفره من الزباله وعزمنا عليها
قسم بالله انا وخويي نصوم بالاسبوع والاسبوعين ما نذوق شي وما وصلنا للدرجه هذي
الظاهر ان صيامه بالشهور خلاص استبلد عنده الاحساس لين تحول من انسان لقطو لكن قطو كريم قطو عنده انسانيه
ياليت القطاو الكبار يجربون حياته عشان يعرفون معنى العطاله صح
هـــــــــــــــيـــــــــــــــــــــــــــــــه
حاسبوا انفسكم قبل ان تحاسبوا
ارحمو من في الارض يرحمكم من في السماء
.........................
لطلب الانظمام لمنظمة العاطلين عن العمل
إتصل على الرقم المفصول : 0123456789
أو ارسل رساله دس في دس على البس المدعوس : 0ميو 00 ميو ميو
وبمجرد الانظمام تدخل في السحب على إحدى الجوائز التاليه :
1- قطف سيجاره من النوع الفاخر
2- الدعاء لك مجانا بالحصول على عمل
والجائزة الكبرى
الاقامه لمدة ثلاث أيام على أحد الارصفه أو تحت أحد الكباري في مدينه كبرى