تم البحث : فيه اعضاء موظفين بالوزارة في التجمع الثاني يقولون يعني فيه ناس ( سواء من الوزارة أو من القطاع الخاص اطلعوا على سيرتك ) وناس عارضوهم وقالوا لا البحث يعني يجي صاحب العمل ( مثل مدير موارد بشرية أو أخصائي توظيف مثلا ..... شخص وظيفته يبحث عن موظفين ايا كان مسماه ) يبحث عن وظيفة ( إداري ) ويطلع له كذا شخص ( كاتب في مسميات وظيفته او اللقب الوظيفي ( إداري ) يطلع في البحث بس ما يدخلون على سيرته الذاتية (( يعني مروا مرور الكرام )) لكن العرض ( قراءة السيرة الذاتية بالتفصيل ) سواء من موظفين الوزاره أو اصحاب قطاع خاص او حكومي ....
وفيه ناس تقول العكس البحث قراءة السيرة بالتفصيل والعرض يمرون على اسم الشخص مرور الكرام
وكل واحد يعطيك راي ....
ومين اللي كلامه صائب الله أعلم ...
البعض لما قدم من اول يومين بحثت سيرته كذا مره ( مهب معقوله تكون الوزارة بدت في قراءة السير لأن التقديم بعد ما إنتهى ويمكن اكون غلطان )
لا تشيلوا هم في عدد العرض والبحث ...
وفيه شخص موظف بالوزارة في التجمع الآخر اذا إني ما ني غلطان قال ابشروا اللي تم بحث سيرته راح يدخل الاختبار ...
يبقى الحين اللي مقدم على أكثر من وظيفة وش وضعه هل راح ينتبهون له ويستبعدونه مثل ما جاء في شرط وزارة العمل وكلام وولد عبدالعزيز عضو معنا هنا موظف بالوزاره او هذا الشرط مجرد ( كلام فاضي )
بكره يبان كل شيء
بس الحين انسوا وظائف الوزارة شوي ولا تتعبون أنفسكم بالتفكير (( عشان محد يجيله القولون ))
ترى كثير ناس اعرفهم جالهم القولون العصبي والسبب (( إنه فكر في شيء وأعطاه أكبر من حجمه وكل دقيقة يفكر فيه ويعصب وبالتالي اصيب بمرض القولون العصبي ))
مثل الطلاب اللي يفكرون في الامتحانات بعضهم يجيلهم القولون ...
وكثرة البحث أو العرض مهب مقياس إنهم قبلوا الواحد بالوظيفة على كلام أحد موظفي الوزارة ...
خليكم مثلي قدمت وما فكرت في الوظيفة ( سؤال واحد افتكر اللي سالته لموظف الوزارة هل دبلوم الكلية التقنية على المرتبة 5 او 6 وهل صحيح يتم استبعاد المتقدمين بالدبلوم على المرتبة 6 من دخول الاختبار ؟
رد عليه وقال ما ادري ...
ولا سالت عن طبيعة الاسئلة ولا عن متى يتم الاعلان ولا فين مكان الاختبار مريح راسي ..