اول شيء ماشاء الله تبارك الله
الله يزيدك من خيره ويعطيك خير مالك ويرزقك يارب
ثاني شيء مو شرط تشتغلين على المبلغ على الأرض لأن حنا مانعرف موقع الارض هل
يمكن استثمارها بحوش صناعي او مستودع
ثاني شيء بما اننا داخلين على موسم الصيف ومو باقي فتره طويله ممكن تستثمرين الموقع اذا في
امكانيه بحوش وتسوين لك محل لوازم افراح وتتفقين مع قهوجيات ومحلات حلويات وتجهزين الافراح
من حلويات وطاولات وكراسي وصوتيات وغيرها وماراح تحتاجين محل كبير بس محل يكون بمواقع
الأفراح والاستراحات والقصور يكون فيه مكتب وفيه بعض الديكورات والكتلوجات لأستقبال المناسبات
والحوش بيكون فيه مستودع صغير فيه المخزن للأغراض
وانتي تقدرين تسوقين لعملك من خلال الجرائد المبوبه وتقدرين تدخلين الكوش وتتفقين مع مصوره تعمل معك
وتقدرين تسوقين من خلال منتديات النت وتسوين عروض يعني بأختصار تديرين شغلك بنفسك بس موظف استقبال
يكون بالمحل للأستلام المبالغ والفواتير والاتفاقات والأفكار كثيره بهالمشروع
مجرد فكره والله يرزقك