اقتباس:
المشاركة الأصلية كتبت بواسطة ابي اي قطاع
البلا من المدربين و هياطهم
ياخي يجيك مواليد 1411 و مواليد 1410
يهايط على واحد متزوج و عنده عيال و عمره 30 او حولها
ناس ما تقدر احد
ناس ما ترحم
ظلم عيني عينك
حجز على اتفه اسباب 
غير كذا
اللي راحوا من دورة القصيم اغلبهم طرد بسبب التزوير
و دقوا علهم كلهم يحضروا السبت هذا
غير اللي اخرونا بسببهم الـ130 طالب مزورين طلبهم القائد
** المشكلة الأساسية**
هم متوهقين بعدد الطلاب كبير و المدربين قليل
و الحين اغلب المدربين اختبارات و اجازات زواج و كذا
مافي اي سيطره على الطلاب 
لدرجة يوم الاثنين اللي راح 4 مدربين يثبتوا و الطلاب صياح و فوضى و على الدزه محد وقف  |
شوف أخوي كلامك فيه الصح وفيه الخطأ
أول شي إنت داخل دورة عسكرية
إسمها دورة عسكريه
يعني بتكون عسكري
كثير مننا عسكر ومدنيين يقولون ي عمي وين الحرب يوم يدربوننا كذا
أخوي إنت عسكري يعني حامي للوطن بعد الله او تقدر تقول واحد من الحماة للوطن ذا
يعني مثل السلاح اي قطعه فيه ماتكون جاهزه صح وعندها القدره انها تكون شغاله ع طول
راح تعطل السلاح كامل
يعني اذا ماتعجبك شدة العسكريه روح توظف مدني
ولا جاء وقت هالله هالله خلك مع الناس اللي مروحين يمين ويسار
انا ااقصدك بعينك اخوي
بس اقصد بكلامي ذا للعموم اللي يقولك العسكريه في الدورة يشدون علينا
صح ان الاهانة من المدربين ماهي زينه وتاكل بقلب الواحد
انا من الناس اللي كنت اتمنى يجازيني يومين ورى بعضها ولا ينطق حرف من كلمة وسخه علي
عشان كذا العسكريه تبي رجال مايهمها التعب ابد والكرف
لكن الإهانة من المدربين اتمنى الجهات المسؤولة عن كذا تحاول قد ماتقدر توقف هذا الشي
المدرب له حق الجزاء وله حق الحجز
لكن حق الاهانة ذي اي رجل حر مايرضاها ابد .
والله يوفق الجميع
وعند دورة القصيم الي صايره فوضى و4 مدربين يثبتون ومحد يوقف لهم وصياح وهمجيه
صدقني في مثل يقول (( غبر ي ,,,,,, على قرنك ))
محد منهم راح يستفيد ورى ذا الشي وراح يتحاسبون
تراكم في مدينة عسكريه
وكلنا نعرف ان حكومتنا ماشالله تبارك الله لا بغت تسوي شي مايعوق معاها ابد
لو يطردون عموم الطلبه اللي في مدينة التدريب ومن البكره يدخلون غيرهم
ماتعوق معاهم ابد
عشان كذا الواحد رايح يتوظف ويبي راتب اخر الشهر
والحركات اللي كذا انا من وجهة نظري الشخصيه اعتبرها حركات طفولية مو عسكريه رجال ابد
أما عن سالفة الشهادات المزورة ف ذا من حق الدولة انها تحقق فيه وتطرد كل شخص زور شهادته او تنزله رتبة وتعاقبه العقاب اللي تشوفه مناسب
لأن اول شي من ناحية الدين ف هو حرام انك تاخذ شي انت ماتستحقه
ومن ناحية العسكريه اي شخص ماعنده ضمير ماله امان يكون عسكري ومسؤول في اي قطاع حكومي
وربي يسهل الدورة عليكم وتتخرجون وانتم طيبين