(السلام عليكم ورحمة الله وبركاته ) مساءالخير / للي هوونِ بالموضوعي وصباح الخير / هم للي هوونِ بالموضوعي . .. المهم انا الحقيقه ذي أول مشاركه لي بـ المنتدى وانا من رواد هذا المنتدى من زمان / واستفدت منكم الكثر حقيقه المهم .*! اليوم وانا جالس مع اخوي الصغير وقاعد ادييه بعض النصايح تعرفون الاختبارت على الابواب وشوي كذإ / آشطح ذيك الشطح آقول لك يإقدع وشلون مقصفكم المهم عطاني ذيك النظره الشريره قالي لي جوعان ولا وش ...وش فيك شاطح على مقصفنا قلت لا بس اسأل هي لسى شركة كاكو ماسكه المقصف قال ايه المهم ويستلم الشركه تنتييف يمكن مآخلا احد إلا نتفه المهم بخش بالموضوع عِ الفور إدري طولت بس لازم مقدمات وحركتات وهييك يعني زبدة الموضوع *ودي افك كافتريا بـ المدرسه ( مع العلم انها مدرسه حكوميه ) * هل ياترى يسمح لي بـ إن افك كافتريا بمدرسه حكوميه حتى لو متعاقده مع شركة كاكو *مع العلم إن في مدارس حكوميه ليس لها نصيب بهذي الشركه ( المذمومه من الطلاب) .. * وهل يإترى في احد عنده خبره كيف ووين أروح ومع اي جهه اتفاهم في هذا الموضوع *وهل لازم اكون صاحب شركة اطعمه سابقه * ولا يسمح لي حتى لو كان اول خطوه لي في هذا المجال ............................... ا لا اله الا الله محمد رسول الله