ابن الهيلا جزاك الله خير

بس تراك بسطة الزراعة بشكل مو طبيعي والواقع غير ذلك

انت الان حسبت مربحك في الكوسه ولا بينت للشباب كم تكلفة تجهيز قطعة الارض ومساحتها

ونسيت حرث الارض وليات التنقيط ورواتب العمال والاسمده والكيماوي والديزل والزيوت للمكينه والايجار الشهري بمعدل كم بيكون ، وفي حالة حدوث مشكله لا قدر الله من انكسار عمود المكينه او كسر في مواسير البير
ترا تطلع لك مصاريف نثريه تفوق 3 الف ريال ، يدق عليك العامل جب شحم جب قفيز جب عده جب مدري ايش

مره من المرات خبطت المكينه على اخوي كان مستاجر مزرعه مساحتها مليون متر مربع كان زارعها تقريبا كلها شمام ، راح دايركت شراء مكينه ب 70 الف ريال في نفس اليوم شراءها وركبها وشغلها لانه محصول الشمام في الصيف ولو تأخر يوم يمكن يروح فيها كل المحصول وتخيل لو ماكان معه 70 الف ايش كان بيسوي كان ياكل هواء

الزراعه فيها خير بس يبغالها صبر وقبل الصبر لازم تعيش مع مزارع وتروح وتجي معه والي ما عنده فلوس زايده عن حاجته لا يدخل الزراعه

الزراعه اكثر شي عكس الكلام النظري ، لانه الواقع تجيك فيه اشياء ما تحسب حسابها وتكون قويه عليك