الموضوع
:
استفسآر ــ اتمنى تفيدوني "222
عرض مشاركة واحدة
#
1
(
permalink
)
31-12-2012, 03:24 AM
دوسرية
عضو متواصل
تاريخ التسجيل: May 2012
المشاركات: 46
معدل تقييم المستوى:
26
استفسآر ــ اتمنى تفيدوني "222
السلام عليكم ورحمة الله وبركآته
كيفكم ــ ودي استفسر عن موضوع الدراسه بالكليه او الجآمعه "
صار لي 7 سنوآت من تخرجت من الثآنويه ــ وقبل العآم جيت أسجل وفآتني التسجيل
قلت للمسؤله أني مادريت عن التسجيل وقطعت سفرتي عشان ألحق عالتسجيل قلت تكفين حاولي منآ ولا منآك قآلت لاااااااا
قسم بالله أن عيوني تغآرقت
قلت يله مو مكتوب ــ والعآم اختبرت قدرآت وجآني هم وتعب نفسي ـ وجا وقت التسجيل وسجلت عن طريق النت بعدين قبلوني وقالوا راجعي الكليه يوم رحت هنآك ــ قآلت لا مانقبلك لأنك تعديتي خمس سنوآت
ــ ليش طيب
ـ ولو كنت عارفه مااختبرت قدرات من الأصل وتعبت نفسي وتعبت أهلي معي ـ قلت وش السواة وش الحل؟
قالت سوي استثنآء يعني طلب فرصه انك تكملين دراستك وارسليه لعميد الكليات مدري الجامعات بالخرج ـ والله مآخليت ولا واحد إلا وقلت له هذي العبآره (( تودي الأستثنآء حقي للخرج وأعطيك 500 ريال
ــ ويآلله حصلت ـــ وجلست أنتظر الرد من الكليه اللي بمنطقتي وكل ماسألت حطموني اللي تقول ماجا شي واللي تقول مابعد ارسلوا الأيميل واللي تقول وش استثنآءه
ــ لين بغيت أنجلط ــ آخر شي قالوا لي رفضوا يقولون اللي طآلبين الإستثناء كثير
ــ وش فيها يعني لو عطونآ فرصه نكمل دراستنآ ؟
قسم بالله جآني تعبت نفسيتي بذيك الفتره وتحطمت
ــ عآد الفتره الأخيره سمعت ان فيه تقديم عالدرآسه عن طريق الجمعيآت الخيريه او الضمآن الإجتمآعي ــ لأني مسجله بالجمعيه الخيريه وبالضمآن الإجتمآعي قلت يمكن لي فرصه
ــ ودخلت هنآ ابيكم تسآعدوني لاهنتوا وتعلموني وش اسوي وهل فيه فرصه أكمل درآستي ــ والله اني بنهبل عالدرآسه خآطري اكمل وادخل قسم أنجليزي هذي امنيتي ــ
عالأقل بالترم الثآني أنآ بمنطقة السليل ووادي الدوآسر ــ والمشكله مافيه فرص وظيفيه بذا المحآفظتين ومآلي إلا أدرس ـ خآصه ان هذي رغبتي أصلاً ــ وأتمنى لو أحد عنده خبره او يعرف بالموضوع يفيدني
التعديل الأخير تم بواسطة دوسرية ; 31-12-2012 الساعة
03:29 AM
سبب آخر: كلمتين مشبوكه فبعضهآ
دوسرية
مشاهدة ملفه الشخصي
البحث عن كل مشاركات دوسرية