اقتباس:
المشاركة الأصلية كتبت بواسطة مليات من النوم
المطاعم والفنادق ذولا ودها راس مال كبير . والمحلات كمان ودك ايجار محل وقروشه
وكهرب يعني وجع راس اما ع سياراتك بس بنزين وادعسسس خاصتن الي هاوي خطوط
تنفع له عاد اذا سلكنا بالمشروع نبدا بالمطاعم ههه مع اني ماليا خبره فيه ههه
ولا المطاعم فله مرابح بالهبل بس ودك ترابط بالمطعم ودك تجلس ع روس العمال علشان النظافه وكذا مشكور اخوي
|
لآلآلآلآلآلآلآلآلآلآلآلآلآ مو كذا الله يرضى عليك مرا انت شطحت ومافهمتني 
فكرة الاخ هي انك تتفق مع المزارع وتوصل انتاجها للحلقة صح ؟؟
طيب ليش ماتتفق مع مطاعم وتوصل له الاغراض من دجاج ورز وغيرها من الاشياء اللي يستخدمها بكثرة يوميا
يعني تاخذ من المورد وتوصل للمطعم وهكذا مع الفنادق والمحلات
ببساطة تأخذ من ذا وتودي لذا
اكيد انت زبون دائما لمطعم صح وصاحب المطعم يعرفك وفاك الميانه معه ؟؟
اطرح الفكرة عليه قلته وشرايك اجيب لك الدحاج والزر ومستلزمات المحل اليومية
اكيد وجهه راح يصير كذا 
وبيقولك عندي اللي يجيبلي اسأله بكم يجيب له وقوله انا راح اجيب لك بارخص منه واسرع منه
بس قبل كل شيء لازم تمر على الموردين وتعرف الاسعار عشان ماتتوهق وتخسر
وانت وشطارتك نقص وزيد حتى يطلع لك ربح من المشروع
ومنها تتعرف على الموردين وصاحب المطعم راح يعرفك على صاحب مطعم ثاني اذا شافك كفو
وانت خلك شاطر واستغل هذا الشيء واستفيد منه
بس اهم شيء في الشغلة الالتزام الالتزام الالتزام في التسليم لانه لو تتأخر ساعه في التسليم
ممكن يخسر المطعم وراح تتحمل انت المسؤولية
هذي الفكرة ببساطة وعاد الفكرة مليئة بالفرص في عدة مجالات ان كنت شاطر استغلها
احترامي