المشاركة الأصلية كتبت بواسطة ترند هابط

اهل الخير واجد والمخادعين اكثر الا من رحم ربي

بديتها منتديات - بعدها ماسنجر - بعدها بلاك بيري الاغلب يظهر بمظهر انه الخلوق والمحترم واذا عاشرتهم عرفت حقيقتهم وصفاتهم - للفتياة النت مافيه امان وباستطاعت الشاب يدخل باسم فتاه وممكن يغير صوته

النت عالم كبير الخداع والمكر فيه اكثر من الخير خاصه لاهل المحادثات - خاصه بين الشاب والفتاه
ياالشاب يغدر فيها يا الفتاه تغدر بالشاب والابتزاز موجود

للفتاه الي تقول ماادخل محادثات لكني في المنتديات احذري ثم احذري من اللي دايم يناقشك بمواضيعك واللي يكثر رسائل خاصه وكذلك الشباب فانا كيد النساء عظيم

اذكر لكم قصه فتاه حدثت معي

كنت بمجال الدعوه باحدى الغرف الدعويه بالبالتوك دخلت مره غرفه مافيه الا رجال وفتاه دخلت وحطيت شريط عن الموت ليسمعوه بعد خمس دقايق دخلت لي الفتاه من دوله عربيه وكانت متاثره بالشريط وتسأل

حس قلبي ان البنت ذي فيها شي مو خاليه قلت لها كم عمرك قالت 34 وغير متزوجه وكانت تسال وتبي رابط الشريط عطيتها ورحت صرت كل يومين تدخل تسال عن شي اجاوبه لاني عارف انها تبي تتكلم

جتني يوم وقالت يااخي عندي مشكله - انا انسان تعلقت بشاب وحبيته لكنه يبي مني الحرام وش اسوي قلت غيري الايميل ولا عاد تدخلي ماسنجر لله الواحد الاحد وتوبي وخليك مع اهل الخير وراح تنسي واذا جاك الشوق له اعرفي انه مخادع وماكر وصلي ركعتين - قالت طيب - يومين جتني قالت هو عرف ايميلي ويبي اضيفه ونفس اسمه وكلمني بس حذفته كيف عرف الايميل الجديد

قلت ممكن مهكر جهازك .... لكن ؟؟؟ من اللي عنده الاميل حقك حاليا - قالت اثنين اخوي وزوج اختي

قلت ممكن اخوك بيختبرك او زوج اختك يبيك بالحرام - صاحت فيه وقالت انت مجنون ومستحيل ومن هالكلام وراحت بحالها وانا بحالي - بعد اسبوع ترسل لي رساله عبر المحادثه لازم اشوفك اليوم ضروري ودخلت وقامت تقول مش مصدقه مش مصدقه والدنيا مافيها امان ومن هالكلام وانا ابي السالفه منها قالت عرفت من اللي كان يمارس علي الحبيب واعترف لي

زوج اختي يبيني عشيقه ومايبي اختها تدري وتخرب بيته ؟؟؟؟

جتني تسال وش تسوي وتسال امها بان في صديقه زوج اختها يغازلها من غير ان تصرح بانها هيا
البنت عمرها 34 يبي يلعب على مشاعره
اختها الصغيره متزوجه ولدها طفلين بل تقوم بعض الاحيان برعايتهم وتعتبر نفسها ام لهم واختها وزوجها الحقير
يطلعو وجزاتها يبها بالحرام هذا وهو اصبح من العائله - فكيف بمن لا نعرفهم خلف شاشات الكمبيوتر

غير قصص المتزوجات التى هدمت حياتهم المحادثات - غير اللي تعلقو بشباب وطلعو معاهم واصبحو زانيات

القابض على دينه كالقابض على الجمر - الحب في النت وعالم المحادثات وهم - والصداقه ماتدوم -

فالافضل يكون صديق من على ارض الواقع ناس تعرف وتعرف صفاتهم واخلاقهم - سوى للبنات والاخوان

وعذرأ ع الاطاله وتشعبي في الموضوع والعذر اذا في اخطاء املائيه ع السريع