السلام عليكم ورحمة الله وبركاته ,

اليوم بـ الصدفة دخلت احد السوابر الماركة داخل احد المجمعات المول
طبعا اشتريت اغراض ورحت للكاشير ولا فية الا موظف واحد من بين تقريبا 20 كاشير فاضية

المهم سالته السلام عليكم / اخوي لو سمحت فيه وظائف عندكم
قال اي نعم فيه واطلع للادارة فوق ,

المهم طلعت للادارة , وقابلني الرجال .. وقال ادخل معي لمكتبي

المهم وانا داخل اتفرج في المكاتب بصراحة مهزلة كل اللي بالمكاتب من الجنسية الهندية والباكستانية

المهم رحت لمكتبه وجلست وقالي مافي الا كآشير !!
سالته كم الرواتب : قالي بـ 3000 ريال مع التأمينات يصفى لك 2700 ريال واجازة ف الاسبوع فقط
سالته مدة الدوام قالي 8 ساعات ( من 4 عصرا الـى 11,30 ليلا )


قلت مو مشكلة , طيب ي اخي انا لدي شهادات حاسب الي وعندي خبرة في احد البنوك
يعني لو تكرمت مافية وظائف ادارية , قالي للاسسف مافية !! > قلت ف نفسي عاجبينك هالعمال
قلت طيب ولا زيادة اقل شي ع شهاداتي حقات الحاسب يعني ماخذهن بس كذا في غير فائدة
قال للاسسف فية ناس عندهم خبرات وهم حاليا كاشير

اعطاني الاوراق قال تجي السبت وتباشر يوم السبت عالطول وهذي اوراق يوقع عليها العمدة
والشرطة وكفاله و و و و و

المهم ي اخوان وش رايكم انتم بما اني ادرس على حسابي بـ 33 الف ريال وباقي ترم واتخرج
قلت للوالد اعطاني نظرة خطيرة قالي بكيفك بس الدارسة لاتفرط فيها مي سهله 33 الف ريال


ولكن قلت ف نفسي بطقطق فيها حق ابو 3 اشهر 4 اشهر واسحب عليهم
بس تذكرت انو يمكن هناك تمديد حافز وتذكرت كذلك اسقاط اسمك من التأمينات
يبغى لك سالفة طويلة وعريضة حسب ما اقراءة ف المنتدى ولكني لحتى الان مادخل اسمي ف التأمينات لان بصراحة كأشير قوية في حق الشعب ومهزلة براتب 2700 ريال !!


وش رآيكم ي اخوان وش اسوي محتار للاسف , كاشير يبغى لها حرص على الدراهم
حسب ماقالي لو تمشي علك ابو نص هناك فصل ترا فيها مسؤولية وكفالات ومدري وشو

> انا للحين ماني قاهرني الا الهنود اللي جالسين بالمكاتب