اختي nadady

أنا رحت قبل أسبوع ونص كان عندي مقابله عندهم ..
يوم رحت للمقابله كان فيه تقريبا 15 بنت كانوا مسوين لهم دعوه للمقابله بعضهم ماجستير وبعضهم بكالوريوس..

جا دوري والمقابله كانت جدا عادية تكلمي عن نفسك ..
من ضمن الأسئله:
- لية تبغين تتوظفين؟
- وش المجال اللي حابة تتوظفين فيه ؟
- تبغين تكونين سكرتيرة ؟
- تقدرين تداومين مسائي؟

وبعدين قالت لوحده جنبها حطيها في السنة التحضيرية ..
عاد ماأدري وش قصدها ..

بس اللي فهمته ان الوظائف ادارية بعقود الماجستير راتبها 6000 ريال
والبكالوريوس 4000 ريال..

سألتها اذا فيه ترسيم قالت ماعندي علم بس الجامعه جديده وتوها ناشئه وماتدرين يمكن يكون فيه ترسيم ويكون على نفس مؤهلك..

ننتظر رد البقيه والله يوفق الجميع ويكتب لنا اللي فيه الخير...