أختي ماعندي خبرة فالمشاريع ولكن من ناحية مشغل بساعدك باللي أقدر عليه ، وبصراحة هالفكرة من فترة وأنا أفكر فيها .. بس الظروف .. أسأل الله أن ييسر أمورك وأمور المسلمين ..
أول شي تحددين الأقسام اللي بتكون فالمشغل ، يعني بشكل أساسي أي مشغل لازم يكون فيه :
* قسم للماكياج بجميع أنواعه
* قسم للشعر والعناية به .. يعني مثلا استشوار ، فير ، صبغ وبلياج وميش ، تسريحات ، قص ، حمامات زيت ، تمليس بأنواعه .. وغيره
* قسم للعناية بالبشرة .. ويشمل تنظيف البشرة ، تقشير ، أقنعة للبشرة على مختلف أنواعها ، حف بشرة بمختلف انواعه .. وغيره
ويمكن كأقسام إضافية أخرى :
* قسم ـ أكرمكم الله ـ للحمام المغربي والإيراني بمختلف أنواعهم
* قسم السبا خاص بالمساج بالزيوت العطرية والتدليك وحمامات الاسترخاء وغيره
* قسم للبوديكير والمو***ير
* قسم للحناء والنقش
* قسم للخياطة وتصميم الأزياء
* كونر لبيع الاكسسوارات .. مثل اكسسوارات الشعر ، اكسسوارات للسهرة تكون مميزة وستايل
طبعا لازم يكون فيه بوفيه مصغر عصائر ، تشيبس ، كوفي .. حاجات خفيفة عشان الزبونات لما ينتظروا دورهم ممكن يحتاجوا يشتروا أكلات خفيفة
أهم شي إنك تهتمي بالديكور والألوان ، لأن لون الجدران وطريقة الديكور ممكن تكون عامل جذب أو عامل منفر للزبونات ، لذلك أنصحك ألاتهملي مسألة الديكور ..
بعد حبيت أنبهك لمسألة الموقع ، موقع المشغل له دور مهم في كثرة الزبونات أو قلتهم
أخيرا على حسب ميزانيتك بتحددين : كم قسم بيكون فالمشغل ، ثم على أساسها بتختارين المساحة اللي تناسب مشغلك ، بعدها حددي كم بتحتاجين من العاملات طبعا على حسب الأقسام كل مازادت زادت حاجتك للأيدي العاملة ، ثم تروحين لمحلات الجملة وتاخذين منها أغراض المشغل بس لازم تكون معك وحدة فاهمة فهالمسألة حتى تعرفين شو بتشترين من أغراض وعندك مثال على ذلك محلات نزيه عنده أغلب مستلزمات المشاغل ..
لكن أنصحك أختي أن تاخذي دورة شاملة فالتجميل يعني مدة شهر أو شهرين حتى تكوني متمكنة من وفاهمة شغلك تمام ، لأنك إذا كنتي متحمسة هذا شي حلو لكن ضيفي على هالحماس ولو قليل من الخبرة فالمجال اللي بتشتغلي فيه حتى محد يقدر يستغلك مو لأنك مانتي فاهمة بس أحيانا العاملات ممكن يلاحظوا هالشي ويستغلوا هالنقطة أسوا استغلال من غير ماتشعري بهم .
* نصيحة لوجه الله .. ابتعدي عن الأمور المحرمة مثل النمص .. وبإذن الله يغ*** بحلاله عن حرامه *
أسأل الله أن يوفقك وييسر أمرك ويفتح أبواب الرزق في وجهك
دعواتك لأبوي بالرحمة والمغفرة