السلام عليكم
اتمنى تكونون بآتم صحه وعافيه...
انا ترددت الف مره قبل اسوي موضوع بسيرتي الذاتيه!! والسبب لما اشوف الجامعيات بكالريوس وشهادات ودورات(ماشاء الله)

وماتوظفوا اصيب بالاحباط اني اتوظف بيوم من الايام ولكن انا على ثقه ان كل انسان ياخذ نصيبه بهالدنيا
بسم الله ابدا..
انا خريجة ثانوي تحفيظ قرآن نسبتي المعدل التراكمي*86.99*
القدرات 73 وهي بعد الله اللي دخلتني قسم انجليزي بجامعة حايل درست ترم واحد وبسبب ظروف زواجي تركتها ونقلت للرياض وحاولت اكمل دراسه بس للاسف ماقدرت
انا احب الاطفال بجنون وهالشي خلاني افتح حضانه ببيتي ولكن وقفت حاليا بسبب اني لحالي وشي صعب اقوم بهالمسؤوليه بدون مساعده اتمنى اجد وظيفه تناسبني ويفضل تكون عن الاطفال
حبذا لو تكون بغرب الرياض واذا كان مو بالغرب يفضل وجود النقل
ملاحظه**الوظيفه صباحيه فقط**