ضروريه لازم تطلعها الأن

واذا انت قريب من المدينه بدلك على ديره سهله امورهم بخصوص الرخصه

يعني لو ماتعرف تسوق بتقدر تطلعها

تروح لهم تقدم ويعطونك اوراق تخلصها من المرور والمستشفى وتجيبها لهم
طبعاص المحافظه صغيره تخلص كل امورك بنص ساعه فقط

وترجع لهم وياخذون منك 100 ريال ويعطونك وصل وموعد الدراسه
تاخذ لفتين بالسياراه

يعلمونك الاشارات وكيف التلبيقه وسهله طريقتها مثل ماقلت لك يعلمنك بحركه تسهل لك التلبيقه
ولا يدققون اصلاً فيها كثير

بعدين تروح قسم الاشارات وتاخذ درس مدته تقريباً اقل من ساعه

بعدها درس المكانيكا يجيب لك هيكل سياره ويقولك فائدة 10 قطع فيها
وسهله جداً تحفظهم وتمشي

بعدها يوم الاختبار بعده بيوم بالكثير

تاخذ لفه وتلبق وتروح لهم يسالونك عن الميكانيكا كم سؤال من الـ10 الي درستها

وتروح للكمبيوتر 20 سؤال تجاوب على 15 بسط
وتقدر تأجل اي سؤال ماتعرف اجابته

بعد ماتنجح بالكمبيوتر تروح تدفع قيمة الرخصه

80 سنتين
200 خمس سنوات
400 10 سنوات

اذا دفعتها عن طريق الصراف مافيه الا خيار 10 سنوات
ولازم تتاكد قبل السداد الصراف فيه ايصال
و الافضل تروح للمكاتب بجنب المرور تعطيهم قيمة الرخصه الي تبي
و20 ريال لهم ويطبعون لك الوصل
ترجع للمدرسه وتعطيهم الورقه وبعد ساعه او ساعه ونص تروح وتستلم الرخصه

الامور سهله وسلسه بهذي المحافظه ومافيها تعقيد وهي قريبه من المدينه

اذا تبي اقولك اسمها راسلني بالخاص

وتوكل على الله وترى الرخصه مو صعبه مثل ما انت متخيل

مدام تعرف تمشي السياره وتوقفها بس انتهينا

وبعد كذا تحفظ الأشارات الي بالورقه الي بيعطوك
وتحفظ المكانيكا والي هي اسأله عن 10 قطع بالسياره وفائدتها

القير - تبديل النمر
البواجي - اصدار شراره
السلف - تشغيل السياره
البطاريه - تخزين الكهرب
الدينمو - شحن البطاريه
الخ... اسهله سهله بس تحضر درسها بتحفظها