[frame="1 75"]بصراحه فيه بعض الاحباط لكن خلك مثلي كل ما شوف مثل هذا الشيء ما اعطيه أي إهتمام .
ونصيحه لك اذا فيه مجال تكمل بعد الدبلوم كمل .
بالنسبة للمقابلات الشخصية لا تجلس تقول هذا الحكي اي وظيفة قدم عليها ورح ما بيضرك شيء لا تجلس تقول محد بيقبلني انا لي قريب والله إنه في بعض الأحيان بالقوة يتكلم وقدم على وظيفة جندي بالقاعدة الجوية قبل 9 شهور وقبلوه ( وهاذي وظيفة عسكرية يدققون فيها على كل صغيرة وكبيرة فما بالك بالمدنية اللي يتجاوزون عن اشياء كثيرة ) وصدقني ما كان عنده وساطه لما قدم ولما قبلوه

أنا كمان مثل كثير من الناس بعض الأحيان لما اتوتر او لما ادخل مقابلات شخصية بعض الأحيان الواحد يمل مني وأتلخبط وبالتدريج ودخولي لكذا مقابلة قدرت اتغلب على هاذي المشكلة ولله الحمد ومع هذا دخلت كذا مقابلة بس مالي نصيب معاهم ...

وهذا الشي مهب عيب ولا نقص في الانسان
ترى هذا يقولون من ( الجمال ) هههههههههههه والله عن جد اتكلم

شف نبي الله موسى عليه السلام كيف كان لسانه ثقيل
( وأخي هارون هو أفصح مني لساناً ) كان لما يتكلم موسى عليه السلام ما بيّن كلامه بسبب لسانه ...
لجل كذا قال فرعون عنه ( .... ولا يكاد يبين )


شوف كمان القطاع الخاص لا يكون كل همك بالوظيفة الحكومية فقط
سؤال قدمت على برنامج جداره ؟! (( الخدمة المدنية ))

الله يسمع منك ونتوظف الواحد وصل عمره 34 وللحين عاطل .

للأمانة منقول: https://www.btalah.com/showthread.*****..#ixzz2HaRKfVsj[/frame]
شف يابن العم أنا الحمدلله راضي عن تفسي تمام الرضا وهذي خلقت الله بس اللي يقهرك بعض العقليات في المجتمع ماتحس فيك واللي يقهرك زيادة في بعض المقابلات الشخصية يسألك ليش خايف ياعمي أنا عندي تأتأة في الكلام ماني خايف منك لا انت ولا اللي حطك فيذا والله يابعض الموظفين في المقابلات الشخصية ماعنده حتى ابجديات فن المقابلة , تخيل بعض الشركات الخاصة الكبيرة مثل الاتصالات والكهرباء وطقتها اللي يسوي معك المقابلات فوق الخمس او العشرة موظفين ياعمي طيييير انا ابتشرح لمنصب مدير الشركة او حتى مساعد مدير الشركة (طبعا الوظيفة اللي سويت فيها مقابلة شخصيا وراحت بواسطة لأحد معارف الموظفين في شركة الكهرباء " قارئ عداد " والله يعوضني خير )
أما العسكرية قدمت بس ماالله كتب لي يمكن بسبب دعاوي الوالدين لأنهم رافضين العسكرية لي ومايبوني اطلع يرى المدينة ويمكن بسبب رجولي لان فيه اسياخ له اكثر من 15 سنة بسب كسر في الساق وانا صغير.
حتى مكافحة المخدرات قدمت عليها وماقبلوني والحمدلله ع كل حال.
اما الدراسة أأأأأأأه من الدراسة انقبلت في الجامعة قبل اكثر من 4 سنوات في تخصص نظم معلومات بس سحبت عليهم بسبب التاتاة والحمدلله الحين معاي دبلوم
وإن شاء الله راح اسجل انتساب السنة الجايه لأن حتى الدبلوم ماعاد يوكل عيش حتى الحرمة بتكمل الدراسة بس ناوي اشوف لها تخصص زين علشان ماتتحطم بعد التخرج ..
والله يطول بعمرك وتلقى الوظيفة المرموقة والله يسعدك ياشبخ
[frame="1 98"]وهذي ابيات من كلمات زوجتي اهداء الى العاطلين
ليتك تدري ياوطن انا نبيـــــــــــــــــــــــــــــك
عشنا باحضانك وصغنا ذكرانا عليــــــــــــــك
ارواحناوالدم وكل غالـــــــــــي فـــــــــــــــداك
واجمل احلامنا نكـــــبر ونحقق منـــــــــــــاك
مرت سنين التعب فدوة لعينيــــــــــــــــــــــك
واخذنا وثائقنا لاجل نطلب رضــــــــــــــــاك
لكن لقيناك تقبل بغيرنا يحتويــــــــــــــــــــك
بسالك ليه تخذل من انتظر لحظة وفاـــــــــك
والله مامثل ابن الوطن يحرص عليـــــــــــك
يرخص روحه ويعادي من هدد حمــــــــــاك
لكن تكفى ياوطن لاتقتل احلامه بيديـــــــــك
هذا كلام اللي يحبك وروحه تتنفس هــــواك
لان الليالي اوجعته صار شعره ينتخيــــــك
شبابنا اصبح في وضع مؤسف ينشد حراك
البطاله والضياع والفقر شرور وتاثر عليك
خذ بيديهم ياوطن لانهم معنى قـــــــــــــواك
لاتسلمهم بيد ظالم بمكره يحيـــــــــــــــــك
همه هو كيف يكسب وانت حتى مارعـــــاك
مايفكر بالامانه واحلام شعب يرتجيــــــــــك
اسمع منا ياوطن ياعالي في مستـــــــــــــواك
لاتعز اللي يخادع وتبيع من هو يشتريـــــــك
[/frame]