أول شي مافيه في التدريس شي أسمه مرتبه فيه شي أسمه مستوى عندك ست مستويات

أنت خريج كلية العلوم إذا إنك تربوي تتعين على المستوى الخامس الدرجه الأولى أول مربوط 8400

وإذا منت تربوي تتعين على المستوى الرابع وحسب الدرجه إلي يعطونك هيه أول مربوط تقريبا

من 7600 إلى 8000 هذا بالنسبه لغير التربــوي أما إذا كان عندك ماجستير تتعين على المستوى السادس

بالنسبه لفني مختـبر إذا كان تعيينك على المرتبه السابعه ولو إني ماتوقع تكون ع السابعه

راح تكــون عـ السادسه ولكن لنفرض إنك على السابعه الدرجه الأولى راح يكون أول مربوط 7100

بالنسبه للأفضل من ناحية العمل والراحه النفسيه قبل الراحه في العمل ففني مختــبر أفضل بكثير

وإذا جاتك المرتبه السابعه فني مختبر فتكفى لآ تفوتها نصيحه وربي إنها أفضل من التدريس

أما بالنسبه للرواتب فالمعــلم أكيد أفضل يكفي إن المعلم يعدل 400 ريال في السنه

التعليم ميزته الوحيده الراتب ولا والله إنه ماينبغى أبدا إلى إذا كنت تحب التدريس وتحب تشرح

وتحب الطلآب وتحس بالمتعه وتحس إنك بترتاح فهذا شي ثاني

أنا بعطيك إيها تراه قرف وقلق من ناحية الحصص ومن ناحية الإشراف ومن ناحية الطلاب

قروشه ومشاكل وهيبة المعلم إنتهت خلآص ماعاد فيه شي أسمه هيبة معلم

حط هالشي في بالك أنا طبقت في مدرسه متوسطه ومادرست حتى لأنه كان فيه إكتفاء بس

كنت أكتب خطابات للمدير وأمشي بس كنت أشوف أخوياي في المدرسه كارهين أنفسهم

إأيضا لآ تنسى إنك فيزياء يعني أربع حصص للفصل الواحد وعندك إشراف ويلحقك إشراف

آخر دوام هذا غير المدير يمكن تطيح في واحد أبن حلآل ويمكن تطيح في مدير مدرسه

يكرهك في عيشتك عموما أنا عطيتك إلي عندي وعطيتك رأيي والله يوفقك