[align=center]اخوي سهيل الشرق الله يجزاك خير ويبيض وجهك ي غالي نصايحك بمحلها

بس ماتشوف ان التدريس وظيفه مستقره يعني ( اجازاتك معروف وقتها + دوامك اليومي من 7 صباح الى 1 ظهر + شغلك واضح شرح وماشرح + لو كانت الحصص ورى بعضها من الاولى للرابعه تداوم 7 وتطلع 11 تقريبا )

اما فني مختبر يقولك دوامه من 7 الى 4 العصر يوميا + تعديله السنوي 300 + العمل مافي استقرار يعني يمكن باي يوم يتغير نظام عمله من مرتاح الى مضغوط او العكس ..

والاجازات المدرس معه ( الصيفيه + الحج عشر ايام + الاعياد + رمضان ) يعني اربع اجازات من غير خميس وجمعه .. بس الفني مامعه الا اجازه شهر ويطلبها متى مابغى وتخصم عليه بالسلم الوظيفي من ناحية الترقيات وكذا ..



مانسى شي حصلت كلام لاحد الاخوان يقارن فيه بـ من اقل الوظائف وقت فحصلوا ان المدرس هو اقل الناس وظيفيا يعني كل يوم عنده ( اربع حصص ) مدة الحصه الوحده ( 45 د ) هذا في احنك الظروف يعني وهو مضغوط جدا .. فيطلع مجموع الدقائق لعمله في اليوم الواحد هي ( 45 * 4 = 180 د ) يعني عمله يوميا فقط 3 ساعات .. قل فيه نشاط ومانشاط وكذا خلها تزيد ساعه .. يعني 4 ساعات مجموع عمل المدرس باليوم في اقصى واقوى الضغوط .. لذلك وجدوا انه اقل موظف سعودي يعمل يوميا ..! )


سهيل لاهنت ودي تصحح لي بعض المعلومات وتعطيني اخر قرار ياغالي وش الافضل بينهم كمقارنه انا بحثت بقوقل ولاحظت المدرس مرتاح جدا خاصه اذا كان بنفس مدينته .. والله يسعدك دنيا واخره ع مساعداتك ويجزاك خير[/align]