30 و40 الف جدا كثير ليش التحطيم الله يهديك

اولا حتفرق معاه المده اللي حيجلسها
+ السكن اللي حياخدو اذا كان فندق او شقق وعلى ذلك تترتب الامور الاخرى

اخوي راح للصين فترة المعرض يعني الاسعار عندهم مرتفعه
سكن ومواصلات واكل وراح تقريبا مدينتين غير غوانزو
وجاب اغراض شخصية لنا مع العلم عددنا 6 اشخاص تيشرتات وملابس داخليه واكسسوارات
واغراض اخرى باعها كلفه تقريبا حدود 20 الف علما ان فترة جلوسه اسبوعين فقط



1- هل يكفي 5.000 ريال تذاكر (من الرياض) + سكن من الرخيص النظيف + وجبات خفيفة ؟

التذكره حتكلفك اذا اخذتها مخفضه بـ 3000 + السكن والاكل هذا يتحدد على عدد ايام جلوسك في الصين

2- اذا كنت اريد شراء كميات صغيرة من كل صنف كما ذكرت من وين احصلها ؟
ماعندي خبره ولكن من خلال البحث في منتدى العرب المسافرون حتلاقي اجوبه لاستفساراتك اكثر

سوق (نافن طاشا) في قوانزو

3- بالنسبة للشحن انا كميتي صغيرة وخفيفة لانها اكسسوارات كم يكلفني؟
اذا كانت الشحنه معقوله ممكن يدخلوها انت وحظك ( اخوي ماخذ ملابس كثير اخذ شنطه صغيره والاغراض كلها حطها في شنطه كبيره ومااحتاج شحن من ضمن الاغراض اساور وحروف اخذت شنطه كامله الاساور حول 1000 اسورة والحروف من كل حرف 100 ملون و100 فضي وعليك بالحساب )

4- اذا كلفت البضاعة 2.000 ريال. هل يكفي الـ 3.000 ريال الباقي من المبلغ للمترجم + الجمارك + المواصلات + الشحن + مكتب التخليص؟
المواصلات خلك اقتصادي واستخدم المترو اسرع وارخص لك

5- هل نسبة الجمارك 5% على سعر البضاعة الكلي؟
ماعندي خلفية عنها

6- انا لا املك سجل تجاري وش الحل ؟ هل هو الزامي ؟
برضوا ماعندي خلفية


فكرة اخرى ممكن تناسبك ممكن تكلفتها تكون اعلى بشي بسيط
عندك دبي في السوق الصيني كتجربة في البدايه تجيب لك بضاعه بمبلغ بسيط وتجرب امورك وربحك فيها
يعني مثلا كتذاكر سفر الصين ب3000 ودبي ب1100 يعني كذا انت وفرت 1900
وعندك فلاي دبي بـ 877 طبعا ذهاب وعودة يعني حتوفر عن رحلة الصين 2123 وعن الخطوط 223
السكن مثلا لا تسكن في دبي روح للشارقه فيه فندق Al Jazeerah Hotel سعر 15 ليلة بـ 2300

وكل مانقصت فترة اقامتك قلت مصاريف السكن تذكرة الخطوط + السكن 15 ليلة في الشارقه = 3400
وتذكرة فلاي دبي + السكن 15 ليلة في الشارقة = 3177

يتبقى معاك 6600 هذي انت بشطارتك تقسمها بين المواصلات والشراء والاكل
وكل ماقللت المدة اتوفر لك مبلغ اكبر

مثلا لو قللت من 15 يوم الى 10 ايام في نفس الفندق حيكلفك 1600 حتوفر 700 ريال تستفيد منها في شي ثاني

والله يكتب لك اللي فيه الخير