يا اخوان اللي ما جاته الرسايل لا يتحطم ، ترى الدنيا مليئة بالفرص ، خصوصا العمل في القطاع الخاص شدو حيلكم واشحذو هممكم ، وتنقو افضل وظيفة ومو شرط في تخصصاتيكم

انا ما معي الا ثانوية عامة ماشاء الله عليكم الله لا يضركم ، اللي بكلريوس انجليزي واللي بكلريوس ادارة ودبلومات وخبرات
الله يوفقكم
بس حبيت اعزيكم واواسيكم وترى كلامي لو تمعنتو فيه جد وصحيح الفرص في القطاع الخاص افضل بكثير لكم

واحد من الرجال تقريبا عمره في الاربعينات سعودي في القطاع الخاص سويت عنده مقابلة يمكن من اسبوعين
يقول لي بالحرف الواحد وانا ما اكذبه انه بدأ حياته بشهادة الثانوي وبراتب الفين بس
والحين تجيه عروض اربعين الف ويرفض مع انه كمل دراسته تخصص ادارة انتساب
بس اللي يشتغل ويجد ويجتهد يلقى الخير والسعة
مع العلم اني اعتقد جازما انني ذكاء احسن وافضل منه ، بس جتني ظروف وتركت افضل تخصص بافضل كلية قبل عشر سنوات
الشاهد
الفرص امامكم ، وصدقوني ما راح تضيع هالفرص لاننا في وطن غني ومتنامي ، لكن اللي تضيع اعماركم اعماركم وبس
تلاحقوها يا بو 20 مدري 22 مدري 24 سنة ،سلام