فمان الله ياحبٍ تغلغل في حنايا الزور
فمان الله ياغلى من نسم صدري وشرياني

فمان الله ياللي لك مكان ومنزل معمور
فمان الله ياللي مسكنك قلبي ووجدانـي

فمان الله يانور العيون اللي ماتلقى نور
فمان الله ياكلي وتاريخي وعـنواني

فمان الله ياريح الندى في خايعٍ ممطور
فمان الله يازرعٍ سقـيته عطف واسقاني

فمان الله والعبره تراها عدت الحـنجور
فمان الله لكن خلها تـشرح لك احـزاني

فمان الله تذرفها العيون وخاطرٍ مكسور
فمان الله تعبير الدموع اصدق من لساني