أهلين أختي ، الله يعينك أنا كنت اشتغل على نفس البند مرررررررررررررررة شيييييييييييين مالك أي حق حتى ما فيه أي ورقة تثبت حقك إلا أن كان توقيع الحضور!!!

اشتغلت في مؤسسة حكومية بهالنظام وبعد في إحدى كليات البنات الراتب أغلب الأحيان حلييييو بس المشكلة ما ينصرف لك إلا بعد طلوووووع الروح يعني إذا جاك بعد 4 أشهر يعتبر عادي لأن هذا متوسط مدة نزوله...

هالنوع من الوظايف ميزته أنك تاخذين شهادات خبرة بأماكن متنوعة ، لكن بعدين توصلين لمرحلة ما تقدرين تتحملين لأنك مهددة بالاستغناء عن خدماتك في أي لحظة ما فيه أمان وظيفي (أنهبلت من كثر ما شفتهم يستغنون عن صديقاتي وما قدرت أستمر قلت اطلع قبل لا يطردوني هم) حتى لو هم محتاااااجين ما يقدرون يثبتونك لأن التثبيت عادة يكون له ترشيح ومسابقة خاصة فيه..
المشكلة الثانية زي ما قلت لك تأخيييير الراتب، ولما يجيك لينك متسلفة أكثر منه عشان شغلك..
المشكلة الثالثة هي أنه ما يحسب لك فلوس أيام الإجازات ولا حتى الامتحانات مثلا!!!

هذا كل اللي أعرفه عن نظام المكافأة بس يمكن فيه ثاني ما أدري الله أعلم!!



المهم أختي خلي أختك تصبر شوي وتتحمل لحد ما تاخذ شهادات خبرة وبعدين تطلع (إذا ما طردوها ههههه وحدة تفاول) وتدور على وظيفة زي الناس..
هذا النظام زي ما قلت لك فيه هالميزة وبعد فيه ميزة ثانية وهي أنها تتعلم الشغل في مكان وتتكون شخصيتها في العمل وبعدين تتثبت انشالله بمكان ثاني بعد ما تنضج شخصيتها لأن عادة الواحد إذا كان أول مرة يتوظف يغلط كثير أو يكون ضعيف الشخصية أو متسرع فياخذ عنه الموظفين الثانين فكرة غير جيدة أو يستغلوه ولما ينضج يصير صعب عليهم يتقبلوه ، عشان كذا نقلها بعدين لمكان ثاني راح يعطيها الفرصة تبدأ بداية جديدة قوية وصحيحة.

أتمنى لها كل التوفيق والصبر.