السلام عليكم ورحمة الله وبركاته
كيفكم جميعاً ان شاء الله انكم بخير وصحه وسلامه
انا خلصت ملفي وسلمته وحاب اطلعكم عاللي صار معي عشان اللي ماقد سلم وحاب يستفيد من اللي صار معي
أنا كان موعد المستشفى يوم السبت رحت لهم الصباح قبل 8 ودخلونا وسوو لنا تحليل المخدرات اول شي
يخلونك تبول وانتوا بكرامه وتروح بعدها باطنيه ومدري ايش عند دكتور تدخل يحط السماعه ع بطنك شوي وتطلع
وبعدها يخلونك تشيل ملابسك يعني تدخل عالدكتور فالغرفه وتنزل الملابس وتطلع ماتاخذ وقت
بعدها ارسلونا للمختبر عشان تحليل الدم وكان زحمة المختبر وتبرعنا واخذوا منا عينات وخلصنا واخر شي يعطونك علبه عشان تحليل بول وانتوا بكرامه وتروح
::
اليوم الثاني رحت من بدري تقريباً 8 وانا عند الباب دخلونا وماكان العدد كثير
رتبت اوراقي وسألني العسكري كم سؤال :
التشهد ؟
وكم بحر عندنا فالسعودية ؟
واش سورة الاخلاص وخلاني اقراها له ؟
وكم فصول فالسنه ؟
واسم الرسول صلى الله عليه وسلم ؟
والحمد لله جاوبتها وقالي الله يوفقك وبنتصل عليك اذا تم قبولك ان شاء الله
وسمعته يكلم عسكري ثاني يقول نتايج الكشف الطبي تاخذ شهر من المستشفى
يعني مدري متى الدوره اللي ندخل فيها
ورحت والله يكتب اللي فيه الخير لي وللجميع يآرب
هذا اللي صار معي وان شاء الله اكون افدتكم ولو بشي بسيط ,’
موفقين جميع يارب ~