السلام عليكم جميعا

اسف على تاخري بالرد لاني جيت متاخر

انا تقريبا كلامي نفس كلام اخوي tycoon


بس مافيه مانع اقولكم وش صار معي وبالتفصيل الممل

اولا رحت مبنى صدف اللي فيه مقابلتي دخلت مبنى الزوار وكان فيه 30 شخص كلهم عندهم مقابلات رحنا للا ستقبال واخذ منا بطايق الاحوال وبعدها رحنا الدور الثالث الكلام ذا الساعه 7.30 صباحا وقعدنا لين جت الساعه 8 و بدو يسون المقابلات اخذو اول اثنين منا وجلسنا بعدها حول ساعه عشان يخذون الاثنين اللي بعدهم طبعا انا رقمي 27 في المقابله تحديد الارقام من عندهم ماله شغل بالحضور جلست انا لين جت الساعه 2.40 ودخلت على المقابله كان فيه اربع اشخاص يسون لك المقابله طبعا الاربعه هم بدر صفوق والدكتور غسان الحسن سلطان العميمي والمريخي
ههههههههههه امزح بس كانو اربعه بس حبوبين سلمت عليهم وجلست اول سؤال وين قدمت ليش مارحت الكليه الفلانيه نسبتك حلوه عاد انا رديت عليهم وقلت مكتب الله لي فيها شي وسكت

ونقز الثاني قال انت تدري وش مقدم عليه قلت ايه ادري وش مقدم عليه قلت مشغل قال حلووو وش تعرف عن المشغل قلت هو المسؤل عن تشغيل الالت في المصنع قال حلووو حلووو ونقز المدير بسوال يقول تكلم عن نفسك بلانقليزي وتكلمت ونقز الرابع بسؤال بغيت اجيب العيد فيه بس تطلعت مركز


السؤال هل يجوز صيام يوم عرفه في رمضان؟؟؟؟؟

رديت عليه قلت كيف يجي يوم عرفه في رمضان اصلا وقعد يضحك وقال انت شكلك ذكي ومنت مرتبك واقط عليه ضحكه وانا اقول في قلبي من كثر المقابلات ههههه


وسالني المدير قال وش تسوي في البيت قلت اطقط على النت قال وش المواقع اللي تدخلها قلت البطاله

قال وغيره قلت الزعيم

ضحك شوي وقال انت هلالي قلت نعم انا هلالي ونقز خويه يقول شفت الهلاليه وش كثرهم ونسبهم عاليه مو مثلك يالقدساوي

وانا اقز عليهم بصروخ ارض ارض قالت انا كنت لاعب بالقادسيه خفت يزعل القدساوي ورد علي القدساوي قال ليه تركت تشجيع القادسه رديت عليه عشان ياسر لما راح الهلال انا رحت معه وضحك
وكذا انتهت المقابله بنجاح وقالوا انشا الله يطلع اسمك

ومشيت

انشاء الله وصلت المعلومه