استغرب منك 6 سنوات عاطل ولا فكرت تكمل دراسه حتى لو دبلوم ؟!!
انت عارف ان الثانويه بزمنا ذا صار مثل الكفائه نادر الي يقبلونك فيه
انا جلست 3 سنوات معي الكفائه وبحثت ودورة وكانت العباطه ماليه
راسي الا بحصل وظيفه بالكفائه وبعدها كملت الثانويه غصب عن خشمي
لاني اعرف ماراح احصل بالكفائه وتخرجت السنه الدراسيه الي فاتت 1433

وعلى طول سجلت بالجامعه انتساب وقدمت ع القوات الخاصه والحمدلله
منتظر القبول النهائي وللحين مو ضامن شي الضامن رب العالمين

الزبده من الكلام انك تلحق عمرك وتسجل
اعتقد الان فيه تسجيل يدوي بجامعة الملك فيصل
تعليم عن بعد
الدراسه ممتعه جدا وبدون سنه تحضيريه 4 سنوات فقط
اختر تخصص سهل ولححد يقولك التخصص ذا مافيه وظائف
ولا من هالخرابيط الوظيفه نصيبه وهالشهاده بتكون لك سبب

وبدل ما تنتظر العسكريه ياخوك صارت كل سنه يزيدون بطول اغلب القطاعات بوزارة الداخليه 170 واعلى
وثانوي وشروط معقده
فلحق عمرك قبل تطوف السنين وانت تنتظر !