المشاركة الأصلية كتبت بواسطة مساعد الزززهراني

إني تايم .. من دواعي سروري

المندق تبعد عن الباحه حوالي 30 كيلو.

بالنسبه لطريق المندق اذا بتجوون من الطايف فيه ثلاث طرق:

الاول: عن طريق كوبري مرتد .. وهذا بعد ما تعدون الطايف تقريبا بـ 100 كيلو تشوفون اللوحه واضحه تقول مرتد يمين من عند الكوبري ( يعني لا تطلعون من فوق الكوبري خذوا من عنده يمين). وتمشون تقريبا 120 كيلو.. الطريق مافيه زحمه وبالليل يكون فاضي تماما.. عشان كذا ما انصحكم فيه بالليل ابدااااااااااا. بس في النهار حلو (هذا الطريق يوفر عليكم تقريبا ربع ساعه).

الثاني: عن طريق مثلث الاطاوله.. وهذا الطريق تمشون سيده من الطايف لا يمين ولا يسار 200 كيلو بالظبط .. واذا وصلتم الاطاوله تشوفون لوحه تقول المندق يمين من عند المثلث. هذا طريقي اللي اجي معاه دايم وهو افضل السيئين تمشون شوي وتشوفون لوحه تقول المندق 24 كيلو.

الثالث: زي ماقال اخوي معانق الغيمه.. من الطايف الى مثلث مستشفى الباحه وبعدين يمين لمسافة 30 كيلو تقريبا وهذا طويل نوعا ما (زياده حوالي 60 كيلو).


ما ش الله الجميع متفائيلين .. الله يكتب لنا اللي فيه الخير جميعا.