اقتباس:
المشاركة الأصلية كتبت بواسطة فاطمة الدهمشي
الله يرزقك ويوفقك يا طموح السحاب وعقبال مانشوفك من ابرز رجال الاعمال في بلدنا بإذن الله ...
بس اذا ممكن تفيدني بسؤال مهم جدآ ...
حنا مجموعة خوات وغير موظفات وفي بالنا مشروع يكسب ذهب بس تكلفته عالية جدآ لذلك فكرنا كلنا نقدم طلب قروض من رياده ..يعني كل وحدة تقدم بأسمها .. ونجمع مبالغ القروض اللي اندفعت لنا من ريادة في تنفيذ المشروع الجماعي لنا .......هل يوافقون علينا وحنا مجموعة يعني ثلاث او اربع بنات خوات او بيرفضونه ؟؟؟
ثاني سؤال لو تكرمت / كيف راح يكون السداد وقيمة القسط الشهري ..؟ واذا كان مو شهري القسط كم بيكون بالسنه ..؟ يعني عطني خلفية عن الأقساط الشهرية كاملة ووافية ...لو سمحت ..؟
الله يشرح صدرك وييسر امرك ..
|
واياك يارب تسلمِ الله يوفقك للخير ويحقق امانيك ولا يخيب لك رجا 
شوفي هم ناس متعاونين جدا وتعاملهم راقي اكثر من ما تتخيلي
عشان كذا افضل انك تاخذي رقم فرع ريادة اللي بمدينتك ..وتستفسري عن الموضوع منهم وهم بيساعدوك ويتعاونوا معك بقدر استطاعتهم ..
او انك تقدمي وتروحي المقابلة ويكون استفسارك اعمق وشرحك لمشروعك بصوره اوضح ..وان بيدهم شي انا واثق انهم بيسوه لجل يمشي مشروعك ..
غامري شوي وسوي اللي عليك مابيخيب ضنك ويكفيك شرف المحاولة !
انا للاسف ماعندي رد اكيد علي استفسارك لكن اعرف موظف في بنك التسليف
اوعدك اساله واستفسر منه عن موضوعك وارد لك في اقرب فرصه ..
لكن رياده واستفسارك منهم افضل الف مره ..
وبالنسبة لثاني سؤال / عندك فترة سماح من سنة ونص لسنتين ماتسدديهم شي
بعدها يتم جدولت الاقساط علي حسب حجم قرضك والسداد سنويا لمدة 8 سنوات
يعني لو كان قرضك مثلا ثلاثمائة الف
نظرب 8*12 شهر = 96 شهر
ونقسم مبلغ القرض علي الشهور 300000÷96 = 3125 في الشهر
يعني بتدفعي لهم 37500 في السنة
واي استفسار عندك لا تترددي لين تتشجعي وتقدمي ...