بصراحة موضوع رائع ومفيد للمرشحات الجدد ...... بقولكم على قصتي مع التعيين في البداية تأخر توجيهنا لمدارسنا الى الاسبوع الاول من الدراسة بعد كذا تم توجيهنا وكانت الصدمة بتوجيهي لهجرة تبعد 200كيلو عن سكني ولا يوجد اي معلمات يداومون الى هذي الهجرة من مدينتي رحت وباشرت في المدرسة مع زوجي وكانت عبارة عن مبنى دور واحد حكومي مجمع ابتدائي ومتوسط وثانوي والاعداد مرره قليلة توجيهي كان ابتدائي سألت المعلمات عن سواق يوصل من مدينتي لكن للاسف مافيه واكدوا لي بان جميع المعلمات من مناطق اخرى تحطمت وفي البداية لم افرح بالتعيين ودخلنا في حيره انا وزوجي اخذ زوجي اجازة من العمل لمدة شهر وكان يقوم بتوصيلي الى المدرسة كل يوم وعرض علي زوجي بالسكن في الهجرة ولكني رفضت بشدة لأن الهجرة مافيها اي خدمات حتى بقالة اوسوبر ماركت مافيها وفكرت بالسكن بقرية قريبة من هذي الهجرة ومتوفر فيها كل شي وفيه معلمات يداومون الى مدرستي ولكني متردده لأني كنت اتمنى الدوام من مدينتي الى مكان عملي فكرت بالبحث عن بديلة وقمت بعمل اعلان في النت ولم اجد اي رد من احد وبعد مرور 15 يوم وضعني زوجي امام الامر الواقع وحجز لي شقة في القرية القريبة من الهجرة وكنت كل يوم ادعي رب العالمين ان اجد بديلة الى اقرب القرى الى مدينتي وفي اليوم اللي عرفت فيه ان زوجي حجز شقة لي في القرية اكتأبت وزعلت بالمرة وخيرني بين الاعتذار عن الوظيفة او السكن في القرية كنت ماني متقبله السكن رجعت الظهر من المدرسة ومن الزعل نمت الى العصر بعد كذا صليت ودعيت ربي بالتيسير وفتحت اللاب واذا بوحده تطلب مني البدل الى قرية ليست بالقريبة مني ولكن فيها معلمات يداومون لها يعني فيها مواصلات وقبلت عرضها وفرحت واخبرت زوجي وبدأنا في اجراءات المبادلة وبعد ثلاثة اسابيع جاءت الموافقة على الطلب والحمدلله تمت المبادلة واستقرت اموري فيه تفاصيل كثيرة ومسلسلات صارت في ادارة التعليم لرفض الطلب لكن الله اراد بالموافقة بنزل لكم صور القرية اللي ادرس فيها



هذا الطريق الى القرية





هذا طريق القرية وقت ماجاهم السيل وبسببه عطلنا اسبوع والحمدلله على كل حال السيل شال الطريق كله يعني مافيه اسفلت








هذا الربيع الايام هذي في القرية


وسلامتكم ...... الحمدلله كما ينبغي لجلال وجهه وعظيم سلطانه .