اول شي الله يسامحكم علي اسم الموضوع تفاؤلوا لنا بالخير صحيح ان فيه اضرار وكان يمكن تفاديها لوبعض مشاريع تنفذ بذمه بس ايش نقول الا حسبي الله ونعم الوكيل على كل مقصر والله كلمة حق ان الدفاع المدني ومعهم الجيش الله يوفقهم قايمين بعملهم بكل مسؤليه وامانه وفوق كذا متحملين اخطاء غيرهم الله يوفقهم ويعينهم وياليت بعض مسؤلين زيهم
وبصراحه الرعب كان امس الفجر الرعود والبروق والامطار الغزيره استمرت ل9 الصباح بعد كذا امطارخفيفه ومستمره الى اليوم
والله الجو خيالي ورائع جدا
بس فيه الاحياء الجنوبيه اخلوها من امس قبل ماتجي السيول المنقوله وحطو الناس باماكن امنه
الحين فيه شي واحد صراحه مخوفني انه فيه اوديه كثيره سايله الله يستر ويحمينا من شرها وبصراحه بعض مواقع الله يسامحهم سووا رعب ومبالغه مالها داعي احس من الكلام ان البلد روحت ولو تشوفوا الناس عندننا فالينها على الاخر بالامطار وطالعين البر ولا هم شايلين هم
ويالله يامكافحة الفساد جا شغلك عاد ورينا شطارتك ولا بس بالاعلام
ومشكورين اخواني اخواتي على مشاعركم الصادقه