ذهابي اليوم من الشرقيه الي الرياض لمدينة التدريب - ذهابي اليوم من الشرقيه الي الرياض لمدينة التدريب الامن العام بالرياض

وصلنا ولله الحمد للرياض 6.30 ص ووصلنا للمدينة التدربية بكل يسر ولله الحمد

الحضور كان قليل للامن الدبلوماسي حيث كان العدد تقريبا حول ال 50 شخص

وبالنسبة للامن العام كان فوق 150 شخص

الحضور كان من المفروض 7ص ولكن اخرونا 45 دقيقه

فتحوا الباب لنا للدخول وخلونا ندخل بالأول "" الامن الدبلوماسي "" وخلو الامن العام يتاخرون بعدنا

بشكل عام النفسية للعساكر زفت ولله الحمد ؟
شغال غصب عندك مثلا !!!

صفونا ورا بعض اكثر من صف
بعدها خلونا نمشي علي الحديدة
وقال لنا اخلعو "" وانو كرامة "" الخذاء وامشوا علي الحديدة اذا ضربت بالراس اموركم طيبه واذا وما مشيتو عليها الله يستر عليك.

انا قلت الحمد الله اموري طيبة.

اوراقي كاملة
شهادة حاسب موجودة
كل شي ممتاز
طول 177 والمطلوب 175

لما وصلت الحديدة لقياس الطول وتعديتها اكتشفت ان الرائد يقول لي روح من الجهة الثانية وهي جهة الغير مقبولين ليش ما ادري

جمعونا وحنا من المجموعة المقدمة كلنا طلعونا ما انقبلنا الا شوية يعني بس اللي قبلومهم مبدائي لاكمال تطبيق الاوراق 18 من 50 شخص .

بعدها جانا الرقيب يقول لنا اللي بهذي المجموعة "" يقصدنا حنا "" الله يستر عليه

قلنا ليش؟
قال لان طولكم اقل من 175
ردينا عليه شنهو حنا طولنا اكثر من كذا المهم تجمهنا عند الرائد وبعدها الرائد مو عارف ويش يتصرف جاء اللواء د. عانم وقاعد هو اللي يصرفنا بكلامات والله واضحة من عباراتها ان تصريفه.

جيت بنفسي وقلت له "" انا ويش سبب عدم قبولي ""

اختبار الثانوية 78% فوق المعدل اللي تبونه
اختبار القدارات 64 فوق المعدل اللي تبونه
شهادات حاسب 6 شهور لدعم طلبي التقديم
الطول 175 فوق المعدل الطول اللي تبونة

جلس يفكر وقال "" وزنك هو اللي ما خلاك تنقبل ""

زين انا مسجل وزني مع طولي ليش قبلوتني بالاصل

ولا لان الاكيد تبون توفروووون اماكن للي معاكم ومعارفكم.

يعني بالاخير هذا شغل واسطات .

بالاخير قال لنا اللواء اذا تبون اعيد لكم الطول اعيدها لكم

بالاخير قلت للواء يعني انا مشكلتي بالوزن بس؟
قال نعم

قلت له / السلام عليكم

ومشيت من الرياض من وقتها راجع للشرقية

وحسبي الله ونعم الوكيل
لا ادري يمكن انها خيره


ملاحظات /
*الاختيار كان عشوائي للمقبلوين
*كثير لم ينقبلو وكان طولهم متناسب مع وزنهم يعني جسمهم رياضي
*وزني ليش بلوزن اللذي لا يساعدني على التدريب العسكري.
* اذا لي ولك نصيب فيها بناخذها باذن الله .
* اللهم لك الحمد والشكر علي كل حال.