اخواني الكرام السلام عليكم ورحمة الله وبركاته
انا قصتي طويلة جدا و فيها الكثير من المعاناة التي يكاد الانسان ان يذرف لها الكثير و الكثير من الدمع .
فمنذ تخرجي من الثانوية العامة قسم علمي وانا احاول جهدا البحث عن وظيفة طيبه لكي اكسب بها رزقي ذلك بعد ان اقلت ابواب الجامعة في وجهي و ذلك لانه لايوجد لدي واسطة وبعد التحرج تخبطت في وظائف القطاع الخاص مدة 5 سنوات والله ياجماعة مافي وظيفة تخطر في بالكم الا واشتغلتها والشغل مو عيب طبعا و من بعض المواقف الي حصلت معي شركة اشتغلت معاهم وبعد مرور اول شهر جاء وقت الراتب قالو لي مالك راتب احنا عندنا الموظف في اول ثلاثة شهور تجربة بدون راتب ؟؟؟
على العموم انا لسه مادخلت في صلب قصتي الاساسية
وهي بعد مرور 5 سنوات من تخرجي كنت اتكلم مع واحد من الشباب بالصدفة قلي انه يوجد شركة خاصة في خدمات الانترنت وهم محتاجين موظف سعودية انا ماصدقت خبر رحت على طول للمكتب و قدمت السي في تبعي طبعا لما رحت للمكتب اول شي الاحظة ان المدير وهو سوداني الجنسية مهو موجود في وقت الدوام يعني فارك و لقيت اثنين هنود تكلمت مع واحد منهم واخبرته اني اتيت للمدير السوداني لطلب الوظيفة تركت عنده ملفي وبعد اسبوع وانا جالس الصبح في البيت اتصل علي المدير السوداني وقال لي تعال فورا وبدون تاخير والله شلت نفسى ورحت له واتفقنا على الوظيفه وكل شي المهم السوداني قلي بتهكم والله لو ماكنت رديت عليا من اول مره كان كنسلتك من الوظيفة .
وهذه البداية فقط والجاي اعظم
طبعا الدوام كان من 8.30 صباحا الى 6.30 مساء مع وجود ساعة غدا من 1 ظهرا الى 2 ظهرا هذا الاتفاق
طبعا انا كنت يوما اداوم من 8 صباحا الى 7 مساء بدون اي ساعة غدا طبعا مع وجود تارجت شهري عدد مبيعات معين وكنت مقفل تارجتي 100% اول ثلاثة شهور و بعد ما انقظت الثلاثة الشهور قيمني المدير السوداني بـ 70% وقال لي شغلك ظغيف و ما كويس انا بلعتها وقلت له الي تشوفه .
انا اول ماتوظفت كنت عزابي و ماكان عندي مشكلة في الدوام و الغداء
لاكن بعد فترة من العمل دبرت اموري و اتزوجت بنت الحلال من هنى بدات المشاكل كان ممنوع عليا انه اطل ساعة الغداء و هو السوداني والله ياجماعة و ما اكذب يجي يدق كرت و يمشي الساعة 10 صباح و مانشوفة الي 5 او 6 عصرا مدير طبعا في يوم زواجي حاربت تخيلو عشان اخذ اجازة مدتها 3 ايام فقط فزعل السوداني مره و عصب وقال الادارة ماتسمح تعطيك اجازة انا اتصلت على الادارة بنفسي وقال لي المدير المسؤل هذا حقك وطبعي جدا نعطيك اجازة زواج ولما عرف السوداني ان اتصلت على الادراة مباشرة حقد عليا كيف اتعداه
واتصل عليا المدير من الرياض لان انا في فرع جدة وقلي لك اجازة 3 ايام و اخر يوم دوام قبل الاجازة لاتداوم هذا من عندي لك ولما قلت للمدير السوداني هذا الكلام زعل وقال لا ما تروح غير الاجازة الرسمية 3 ايام فقط قلت له طيب مافيش مشكلة
رحت الاجازة ورجعت بعد 3 ايام فقط و بعد الاجازة تخيلوا ياجماعة كنت اداوم 11 ساعة و احيا 12 ساعة متواصلة بدون ان اذهب للبيت و حرمتي عروسة وهي تتغدا لحالها وانا اتغدى في المكتب سندوتش من البوفية و لما ارجع البيت اكون خلاص طافي 12 ساعة دوام وتكون المسكينه الي في البيت طول النهار جالسة لحالها وارجع البيت وعلى طول انام وما اجلس معها وهذا كله ماقلت شي طبعا تسير بيننا احتكاكات دائما انا و السوداني ولانه مالقي فيا عيب حاط نقره من نقري لانه ممشي قبلي من نفس الوظيفة الي اناع ليها 6 موظفين تخيلوا؟
مره قلي قدام الموظفين انا راتبك الي تاخدة حلال والا حرام و مره قلي ترى احنا مامحتاجين نوظف سعوديين و ماحنا مطالبين بنسبة سعودة ولما وظفناك عندنا اعطيناك اكثر من حقك
في يوم ولدت حرمتي ثاني يوم خلني اطلع رحلت سفر للطايف و مكة و المدينة عشان احقق مبيعات وقلت له مااقدر اسافر وانا حرمتي توها والده قال لا لازم تسافر ولما سافرت اتصلت بي حرمتي وقالت الولد مره تعبان بين حياة و موت فقلت لها نتظري اجي و اوديه فكانت الحالة خطره جدا و اخذت لمزين وذهبت للمستشفى وهي في حالة مايعلم بها الا الله و تمرمطة اخر مرمطة حوالي 5 ساعات !!
طبعا ماودي اطول اكثر من كذا لان القصة مره طويلة لاكن حبيت اختصر اكثر ما اقدر
وهذ معاناتي لليوم مستمرة .
احببت ان اطلعكم عليها و انتظر منكم التعلق .
شكرا للجميع .