ياهلا وغلا والله بولد العم الاحمدي حياك الله.. انا من المنطقة الشرقية اقولك على قولتهم دربكــ آخضـر بالنسبة للمشروع بمشيئة الله ناجح 100% ((وجهة نظر شخصية )). لكن بقلك حاجه مهمه عشان ربي يوفقك فيه اللي هي الصلوات يالغالي احرص على إغلاق المكان قبل الصلاة بدقائق حتى ماتتحمل ذنب اي شخص كمايقول سبحانه وتعالى في محكم تنزيله: ((ولاتزر وازرة وزر اخرى )). [MARK="996633"] اما اسئلتك فهي كثيره وممله ههههههههه امزح يالغالي برد عليك سؤال سؤال وإن شاء الله اكون افدتك بما لدي أخوي .. [/MARK] # هـل تـفضــل بصــالة المبـاريات وجـود مـدرجــات كمـدرجـات السينمـا ام طـاولات والشــاشه ايضـا بروجكـتر ام LCD ؟ انا اشوف انك لوتنوع وذلك بأنه تكون جلسه برجكتور وجلسة تلفزيونات كبيره وجلسه شاشات ال سي دي وهي طبعا للناس السبشل مثلي احم احم اللي يمدح نفسه كذاب # مارأيـك بفكـرة جلســات البــالوت ؟ والله روعه الله يوفقك فيها بس ياليت تكون في مكان منزوي تدري لجة ورجة حقين البالوت زين ان ماكسروا لك المحل بس ماعليك الحل عندي باب طواريء وانتهت السالفه ونسيت لااقلك خلهم يدفعون تأمين شهري تدري عاد هم إدمان فكل يومي راح يسنترون عندك بالجلسات لكن المكسب فوق ماتتصور بس اهم شيء وفر لهم الراحة الدخان مسموح طبعا والشاهي والقهوة والتمر والعلوم الزينه ودربك آخضر . # هل تؤيد فكـرة الكـافي المعـزول ذو الخصـوصيه التـامه في الطـابق العـلوي ؟ أؤيدها بشدة تدري حقين الكآفي مواضعيهم خاصه وهم فئتين ناس رايقه منهم وناس جاي تتشكى مشاكلها وهموها لخويناه يعني خلها رومنسيه يالغالي اقول ماتشوف اني كثرت بالطلبات صح وفيه فئه جايه تشرب وتروق على البندق فرنسي اللي مثلي يعني مايبلها كلام لـ جاك واحد قلك فرنسي بندقي فهو انا افهمها ياخي يعني بلاش :o لمدة شهر اوكييه مابي اكلف عليك هههههههه # هل تؤيد وجـود مطـعم واكسسـورات جـوال والعاب كمبـيوتر وانتـرنت ؟ < جوابها مهـم افاااا بس وهاذي يبلها سؤال ياحلو انت شوف مين اكثر ناس تجي هالاماكن اللي هم الشباب وبعض صغار السن يعني اكيد ماراح يجونك لو مافيها ألعاب كمبيوتر وانترنت هذا شيء اساسي واقولك استنى ع الواي ماكس ولا جات ركبها لانها خدمه حلوه مررررررره . # ماهي نوع العمــاله التـي تفضـلها ؟ اقولك لااشوف بنغالي واحد اهم شيء لاني لو شفت بنغالي واحد راح اقوم مظاهره بعدم دخول محلك يعني بالمختصر المفيد لاللبنغاليه جيب سعوديين شباب لانهم هم اللي يفهمون هاذي الشغلات لكن اختيارهم يكون موفق وانت ادرى .. # مـاهي افـضل ديكـورات ممكــنه للصـالـه ؟ مالي خبره فيها ربي يسهلك فيها لكن لو تبحث بالمواقع بتلقى ديكورات يمكن تناسبك ويمنكك طرح الديكورات على المختصين في بعض المنتديات .. # مارأيكم بفكـرة الصـاله الترفيهـيه بصفه عامه ؟ حلوه وربي يوفقك فيها آهم شيء تكون منوعه ومناسبه لمختلف الآعمار لكن على فكره ماقلت وين المكان بالضبط بالمدينة وماقلت لنا ايش اسم محلك ادري لقافه لكن ولو ولد عمك اموووون صح . لكـ مني إحترامي