وعليكم السلام .. ايوه يا ديم عبد الله فيه دفعات جايه بس مالهم وقت محدد كل بعد كم وقت يطلعون اداري

واذا تبغين نصيحتي لا تسألين عن النقاط ابدا .. ترى الاداري يعتمدون اكثر شي على الرغبات والله يعني اذا وحده اقل منك نقاط وطلبت رغبات اكثر ومحد طلبها تتوظف قبلهم لانو المنطقة الي حطتها فيها احتياج يكون

فهمتي علي يعني اذا عندك قدرة تتوظفين في مناطق غير الشرقيه اكتبي رغبات كثيره كملي الى الجنوب ركزي بين مناطق الجنوب والقصيم والرياض وكذ ..

لانها بنفسها موظفه بالخدمة المدنيه قالت اذا كثرت رغبات فرصتك بالوظيفه تزيد >> يعني مايعتمدون على النقاط وبس ممكن اذا وحده اقل منك نقاطها مثلا بالسبعين تتوظف عشان حطت رغبات كثيره

والاداري على مدار السنه يرشحون يعني نصيحه اكتبي رغباتك من الان حطيها بمناطق مختلفه وحاولي تحدثين ملفك كل شوي لاتنسين .. وبلاخير الله يوفقك ويفرجها عليك بـأأأقرب وقت يالله انتي وكل وحده هنا