الله يوفقك ان شاء الله
بالنسبه للفكره /
حلوه وممتازه وتخدم الزوجات الموظفات
بالنسبه لطريقة التسويق /
اكيد بتكون في الحواري القريبه منك او بالأخص المنطقه المحيطه في بيتكم , وتقدرين تنزلين اعلان في الوسيله والمبوبه
بالنسبه لطريقة التسويق أيضاً /
تسوين بروشور وتوزعينه على الشقق القريبه وتلصقينه قريب من المسجد وتحطين عينه في بعض البقالات والمحلات الأخرى في نفس منطقتك
بالنسبه للوازم الغرفه /
مثل ما اضافة اختنا amolah السلامه هي الأهم
الأرضيات وجوانب الجدران , وايضا عدم وضع العاب او قطع صغيره في الغرفه , وعدم وضع اي سوائل حاره , وكذالك تغطيه افياش الكهرباء , توفير انارة وتكييف ممتاز , توفير دولاب مفصل توضع فيه ملابس كل طفل على حده , توفير طفاية حريق بالغرفه ( مع معرفة كيفية الأستخدام )
بالنسبه للخدمات والعروض /
تعليم الأطفال بعض السور الصغيره من القرآن
وكذالك تعليمهم الحروف العربيه والقراءه , اقامة مسابقات جماعيه للأطفال تساعدهم على الأختلاط وعدم الأنطواء , الأهتمام بنظافتهم طيلة تواجدهم بالحظانه
بالنسبه لرعايه /
لازم يكون معك اقل شي خادمه علشان نظافة الأطفال ونظافة المكان
بالنسبه لرعاية أيضا /
لازم يكون عندك درايه كامله بالأسعافات الأوليه انتي والخادمه( لا قدر الله ) واهم شي / كيف تتصرفين في حالة الأختناق او الحروق
بالنسبه للعقود والأتفاق /
اتفقي معهم على حسب الأيام الي تفضين فيها مثلاً
ايام الدراسه من كل اسبوع , ولازم تنتبيه لأيام الأعياد والأجازات الحكوميه لازم يكون اتفاقك واضح معهم
لأنه يمكن يكون من ضمن الأطفال من يحتاج حضانه على مدارالعام بغض النظر عن الأجازات الحكوميه (يعني امه تعمل في القطاع الخاص )
ولازم تعلمينهم بالشهر او بالأجازه الي ما راح تقدرين تستقبلينهم فيها حسب إجازة زوجك
وفي الأخير ,, الله يوفقك ويسهلك مشروعك ويهنييك .
((( من لزم الأستغفار يوميأ 1000 مره بنية الوظيفه او الأولاد أو الشفاء أو التجاره رزقه الله حسب نيته ))