اقتباس:
المشاركة الأصلية كتبت بواسطة mmw
طيب قولي لي انتي ايش الخطوات الي سويتها نبغى نستفيد منك ..؟
هم الان يبغونا من تدريب والان مافي وقت للتدريب تعرفي المهله بس ثلاث اسابيع وخلاص
انتي من عام كم تخرجك؟
وايش الخطوات الي سويتيها بالظبط ؟
الله يستر عليك ويسهلها بوجهك تعلمينا ماعاد في وقت ساعديني بس ع الاقل بالمعلومات ..
انا رحت لهم وكلمتهم بس مافي فايده الى الان
انا مو عارفه اتصرف ؟
علميني بالله عليك وش الطريقه والخطوات وانا اسويها
|
انا تخرجت من 2005 بس من اول ما تخرجت رحت سويت تدريب في كذا مستشفى وبعدها اشتغلت كم سنة بس ما فكرت اطلع التصنيف الا لما طلع اسمي للمطابقة لاني اعرف انه مهم بس هم كمان كلموني الخدمة وطلبوا مني اجيب شهادة التدريب والتصنيف
اما التصنيف فرحت لهم يطلبون وثيقتك وهويتك وصور منها ودورة الانعاش الرئوي تقدري تاخذيها من كذا مكان بجدة ادخلي موقع جمعية القلب بجدة وسجلي فيه تلاقي مواعد واماكن عقدها وهي بـ 200 والبعض يسويها ب350 حسب المكان وتاخذ لها بس يومين واحيانا يوم واحد ويرسلوا لك الشهادة على الايميل بعد كذا الهيئة تخبرك حسب مدة انقطاعك عن ممارسة التخصص لو فرضا انقطاعك أكثر من 5 سنوات ولا مارستي فيها اي شيء له علاقة بعلم النفس ممكن يطلبون منك تدريب انا سالفة الاختبار فهي للانتساب فقط
انا انصحك تاخذي اوراقك وصور منها وتروحي للهيئة وتقولي لهم انك مترشحة على وظيفة ولازم تطلعي التصنيف قبل نهاية المدة المحددة وراح يساعدونك ويقولوا لك المطلوب صحيح مكانهم مزدحم ولازم تنتظري بس على الاقل تروحي تشوفي اش تسوي مو بس تسئلي من بعيد
اتمنى لك التوفيق