انا سويت مقابله شهر 10 اللي فات وكانت في ابها
المقابله مع مدير الاقليمي للغربية والجنوبية علي همام(ابو يزن)
كلها عن نفسك وطموحك وهل اذا بيوظفوك في فرع بعيد بتوافق او لا
واهم شي اذا سألوك تعرف او يقرب لك احد في البنك
قولهم لاااااااااااااااااااااااااا ما اعرف
حتى لو ضغطوا عليك قول ما اعرف
وبرضه يسألوك ايش تعرف عن وظيفة خدمة العملاء
قولهم تمويل شخصي والبطاقات الائتمانية مثل تيتانيوم..(تعجبهم تيتانيوم)
وعروض حصاد
وفتح الحسابات وطلبات بطاقات الصراف
___
المهم شهرر 11 قالوا تباشر وباشرت
الراتب الاساسي 6000 ريال
+600ريال بدل نقل
+12000ريال اللي هي 3 رواتب نهايه السنه تقسط شهريا مع الراتب
اول شهر عطوني 5330
الشهرين اللي بعده عطوني 7500ريال هذا راتبك كامل مع البدلات
وحطوني في مجمع تجاري في فرع الخدمة الذاتيه ودوام مسائي من 4 العصر الى 10ونص بالليل وطالبين منك تسويق فكل سوق ومؤسسه
والدوام المسائي يبدا من الاحد وينتهي بالجمعه يعني اجازتك يوم واحد اللي هو السبت
بس بما اني في جيزان ادارتهم فاشله ومشاكل وقعت استقاله ومخالصه اليوم لاني طالب نقل لمدينه ابو عريش لان فيها شاغر ودوامهم من الصباح زي الخلق والعالم رفض المدير ....وافتكيت منه ومن اذاه الله لا يوفقه

من الاخير انا انصحك تروح بشرط انك تشتغل في فرع عادي وابعد عن الخدمة الذاتيه (المولات)
اذا عندك دورات وشهادات قدمها تزيد راتبك

روح المقابله بصور شخصيه وشهاداتك شيل الاصل وصور منها علشان يطابقونها

اتمنى لك التوفيق وترى بنك الرياض رواتبه من اعلى البنوك
زملاي في الاهلي رواتبهم من 5 الى 6 الاف
حتى مع 1000 اللي هو بدل صرافه لوظيفة صراف مايوصلون على راتب بنك الرياض

واي استفسار عندك الخاص موجود لا يردك الا كيبوردك