حلول البطالة Unemployment Solutions - عرض مشاركة واحدة - أتشرف بالاجابه على جميع أسئلتك بخصوص الضمان الاجتماعي

شيماء القحطاني · #**5709** (**permalink**) 07-02-2013, 09:31 PM

اقتباس:

المشاركة الأصلية كتبت بواسطة رياال فسحه

هههههههه والله ماراح يحققون معك
انتي سجلي موعد في الموقع حقهم .. واذا رحتي لهم اخذي
صك طلاقك(الاصل) (ونسخه)
و بطاقتك الشخصيه .. (الاصل )و(نسخه)
ثم اذا رحتي لهم بتعطيك الموظفه ورقه اسمها برنت
عشان تروحين للاحوال المدنيه تعبين فيه بياناتك

(حالتك الاجتماعيه وعمرك وانتس بالثانوي لاتنسين)
همن ترجعين للضمان <<مرمطه
وشوفي ايش يقولون لك
اتوقع يعطونك موعد بعد كم اسبوع عشان تاخذين البطاقه
واذا استلمتي البطاقه ,, قولي للموظفه ابي اقدم على المساعده
بس نصيحه قبل لا تروحي تاخدي معاك كل شي كامل ياعسل عشان لاتطري ينقصك شي وتصيرين مثلي رايحه جايه وامتر الشوارع .. وتحرقك الشموس
وكل ماكان كل شي بسرعه كل مااتقدم طلوع البطاقه حقت الضمان ..
واخذي معك تمساح عشان البرنت لازم توقيع من قسم الرجال وفي نفس الوقت مرمطيه معك
وشوفي يا قمر .. انا بالرياض.. اذا كنتي باي مدينه ثانيه ترى مدري عن اجراءاتهم
واذا عندك اطفال مدري وش المطلوب .. بس ان شاء الله ماعندك اطفال
.
.

اي سؤال انا حاضره

بعد عمري شكرا ع المساعده
اي انا بالرياض وكمان ما عندي اطفال

بس بابا موظف وراتبه فوق ال 5000
اخاف يرفضو اسجل بالضمان

ربي يعطيك العافيه طمنتيني
بس بجد ما زلت خايفه من ناحية الجامعه
احس من بياناتي يطلع عندهم اني طالبه منتظمه

بسجل واشوف

اشكرك مرا ثانيه وما قصرتي حبيبتي