بعد اذن اخوي عبدالله
انا سالت سوالك هذا قبل المقابله
ولاكن الحين انا جربت وشفت بعيني
البس اي لبس رياضي باي لون يعجبك او اي نادي بس لايكون شورت
انت حر في لبسك الرياضي قبل الدورة يعني مايتشرطون بلون معين
هذا بالنسبة للبس
المقابله الشخصية
بقولك إلي صار معي
دخلت اول شيء للصاله المخصصة للمقابله الي فيها الضياط طبعا بيكون فيه فرد عند الميزان
بيقولك ارفع سروالك للركبه تطلع الميزان يشوف الطول وضعك تمام بيوجهك للضباط
هم ثلاثة قدامك طبعا مهوب شرط تجاوب على الاساله صح عايدي جاوب غلط او قل ماعرف
الاهم والي هم يبغونه منك انك تكون شخص واثق من نفسك ماترتبك وماتستحي
ردودك على الاساله بلباقه ولغه مفهومه صوتك مرتفع يسمعك
اول ماوصلت عنده سلام عليكم رد السلام
قال امش لين الجدار هذاك الي وراك وارجع طبعا مسافه قريبه تقريبا 7 متر وقفك قال هرول لين عندي هروك قال وقف على الخط الاحمر ( خط احمر مقابل الضابط يبعد عنه تقريبا مترين وشوي )
قال اقراء سورة الفاتحه بصوت عالي وقريتها بصوت عالي قال تعال قربت عنده سالني وش عاصمه اليمن قلت صنعاء قال وش عاصمة ايطاليا قلت روما طبعا سالني لاني كنت لابس فنيله عليها علم ايطاليا قال كم عمرك وجاوبت
دخل في السالفه الضابط الي جنبة قال انت الي جيتني انت وابوك قبل سنه يتوسطلك علشان تدخل الدورة
لحس اوم مخي ذا الضابط طبعا هو جايبها من راسه يشوف ردة فعلي يبغى يشوف انا واثق من نفسي او برتبك شي
رديت عليه لاني متاكد لاجيت ولاهم يحزنون قلت سلامتك لا ماجيت
يعني او ممكن يعطيك ورقه صغيره فيها نص يقول اقراء الي فيها مثل ماصار مع اخوياي
يعني المقابله حاجات بسيطه وتافهه واساله عاديه عامه يقيمون ويعرفون
لان فيه ناس فيهم مرض معين او حاله معينه او من النوع العصبي جدا او فيه خلل يمكن يكشفونه وقت المقابله
يعني انصحك تكون عاادي ورح وانت مفطر مروق ولاتاخذ هم المقابله واي سوال ماتجاوب عليه صح مايهمهم اهم شيء تتكلم وتاخذ وتعطي معه لاتستحي وتكون ساكت منزل راسك
خلك واثق من نفسك وصوتك عالي مسموع ولايهمك اي جواب خطا
اتمنى وصلت المعلومه تحياتي