سلخير يمين ..سلخير يسار تجربتي في قياس تجربه زاتها غريبه اختبرت 3 مرات اول مرتين مدري وش السالفه والثالثه كل اللي اذكره اني نجحت الحمدلله زبدة الموضوع ياتخش قياس مذاكر بنسبة 90 بالميه وفوق او تخش ع البركه بهالحالتين نجاحك مضمون بنسبه كبيره بعد توفيق الله ام تخش ع معلومات الجامعه وتطقطق شوي بالنت ... أحب أبشرك أنت راسب ليش مدري انا قلت راسب .. فهمت ولا .. اجل مافهمت .. أبن أمك انجح >> خلاص ياخي كل تبن وكمل تجربتك هذا ماحصل معي ياجماعة الربع ..يعني خلوني أفصلها لكم >> وين اللي مايتذكر شي أول أختبار كنت قاري كتاب حق قياس الثانوي اللي لونه اصفر وبعض مذكراتي من الجامعه وكتب عن عامه عن الفيزياء وكنت توني متخرج ..يعني كنت بوضع كويس وجبت بالتخصص 49 والكليه 56 ..طبعا كان اختبار صعب من وجهة نظري و تحطمت لاني قربت انجح وهكا ... قلت العوض بالمقابيل << الله الله جا الاختبار الثاني بعد فتره وطلعت من جو الدراسه والقراءه .. ودخلت الاختبار وخبصت وطلعت وكان معي خويي ولما طلع من الاختبار قابلته وقلت له كيف وضعك ..قال والله حقره بقره قلي عمي .. الخ لما طلعت النتايج ..جبت بالتخصص بالثلاثين .. وخويي نجح .. وتعيين الله يوفقه ... فا عزمت النيه ان الاختبار الجاي اللي هو بيكون الثالث بيكون حقره بقره ... محد أحسن من احد .. وقبل الاختبار بشهر ماطاوعني قلبي ادخل الاختبار بدون معلومات بما اني ابي افتك منه ..فا رحت وجبت نماذج لاختبارات سابقه وحوسه وعديت العده .. وقبل الاختبار بأسبوع بدا مسلسل زيد والمذاكره .. كل يوم بكره اذاكر طبعا الحلقه الاخيره اللي قبل الاختبار طلعت حامل امزح طبعا >> الله من البثاره الزبده دخلت الاختبار بدون مذاكره ومواصل والجو غبار .. وضع كسيف جدا وطلعت فوق راسي سحابه فيها مشهد الاختبار الثاني لما قابلت خويي بعد الاختبار وقال انا حليت حقره بقره >> ذبحت امنا ببقرة خويك واستعلمت استراتيجية الحل السريع ... واي سؤال ما افكر فيه كثير .. اشوف الارقام اللي بالسؤال واللي بالاجوبه ... واللي بينهما قرابه اختاره وطبعا صرت اخلص قسم الاسأله بدري ,,ويصير معي وقت فراغ كثير .. واستأذن من المراقب واروح واشرب مويه وكم فره وارجع .... لين ماخلص الاختبار وهذا وضعي ... طبعا احلى مافي هالاسلوب انك ماتوجع راسك لا بتفكير بحل ولا غيره .. لان اغلب شي ماراح تعرف الحل وغير كذا بعد الاختبار تكون مروق .. ولما طلعت النتيجه الحمدلله نجحت وعقبال عندكم ياجماعة الربع واتمنى هالموضوع مايدق ريوص للصفحات الاخيره .. ونستفيد منه .. ويكون مثبت في افضل الاحوال