وهذه القصيدة لأحد الخمسة الذين تم اعدمهم في منطقة تبوك بسبب ترويجهم للمخدرات وقال هذه القصيدة وهو في السجن نصيحة لأصحاب العقول السليمة
من مجالسة الجلساء السيئين
ياناس اسمعو قصة واحدٍ بالسجوني
يقول ذبح السيف ياناس هايبه
يقول أرحم بالرصاص اقتلوني
والعين ملفوفٍ عليها عصايبه
لعل بعض الناس مايعرفوني
ودي لو التنفيذ والشمس غايبه
أنتم عرفتم قصتي فارحموني
أخافتلحق على ابوي عايبه
لو يعرفون اني مروج لأفيوني
ولو يدري اني للمسلمين جايبه
ومدمن حشيش ومثقلنً بالديوني
يدعي علي ودعوة العودصايبه
ولاتخبرون اللي بطبعه حنوني
الوالدة تكثر عليها مصايبه
أخاف لادريت يصيبها جنوني
أوتصبح عليلةٍ عالةٍ على شايبه
من ضاع عقله ماتفيد العيوني
والعقل من مد الكريم ووهايبه
واللي جرح قلبي وزود طعوني
وروحي عليه من العامذايبه
جماعتي اللي من سجنتي قاطعوني
وكيف الفتي يُنسى من اقربقرايبه
كله سبايب شلةٍ دهوروني
وصار الثمن راسي وفوقه نصابه
حسبي اللة عليهم شلةٍ ضيعوني
الموت حان وقربوا ليركايبه
ومشيت في درب السراب مغمومي
وعقول البهايم بين الاكواخسايبه
اللة يرميهم مثل مارمونـــي
موت الهونه شلتي هم جلايبه
ماطعت يوم الطيبين انصحوني
ولا ينصح الإنسان إلاحبايبه
يالله ياللي امرك بين كافٍ ونوني
خلقتني مابين صلب وترايبه
عوض علي دنياي واحسن ظنوني
واغفر من نفسه عن الشينتايبه
ياللي حضرتم مقتلي سامحوني
هذي نهاية قصتي مع سبايبه