اقتباس:
المشاركة الأصلية كتبت بواسطة عآبرقآرآت
ممتااااااااز  ,,,أهنياك على تفكيرك ...بس كأنك مأكله هواء 
قلتيها بلسانك السبب هو أحنا أو بين ( الى يفكر بنفس تفكيرك )
قدمتي على وظيفة فراشه !
ومعاكي شهااادة جامعيه ؟!
طيب ويش تحبين نعطيك شهادة تقدير وتضحيه ؟!
مو كان من باب أولى يتم توظيفك بدل المعلمات الأجنبيات ؟!
وفوق هذا تقولين
مهمه !!
خخخخخخخخخخخخـ
والله شر الباليه مايضحك ,,,عيب علينا نستحرق أنفسنا ...بغض النظر عن المهن هي مهنه شريفه ...لكن الحمدالله البلد بخير وفيها وظائف يشغلها الأجانب أفضل منها بكثير نتركها ...ونركز على وظيفة عامل نظافه ؟! |
هلا باصاحب الباندات
كلمتك الي قلتها المفروض يحطوني معلمه هذا الكلام وجهه للوزير تبع ديوان الخدمه طبعا انت شايف الاسماء الي طلعت فيها اجنبيات ؟؟
ومثل ماقلت انا انا راضيه اني اشتغل بشهاده جامعيه فراشه ماعندي مشكله بس انا اتكلم عن الشباب
حسستني ان ماعندي اخوان ولا عيال اخوان ولا عيال عم ولا عيال خال كل واحد لو جاته وظيفة امن او كاشير قال وش دعوه انا بجلالة قدري وعظيم سلطاني اشتغل ذي الوظيفه واصحابهم نفس الشي طيب من تتوقع بيشتغلها بنجيب ربورت والى وش الكل معترض عالاجنبي لعلمك لقيت اجنبيه ماسكه منصب بمدرسه اهليه وسولفة معاي وحلفت لي بالله بداية وظيفتها كانت مندوبه وبعدين موظفة استقبال الى ان وصلت لمنصبها هذا ومثل ماقالت هو سلم نطلعه درجه درجه موب شهادة ابتدائي ويبغى نحطه مستشار للملك
وانت خير مثال وش فيه عامل النظافه بتنظف بلد كفار انت بتنظف بلدك امحق بس عقل
واعيد واقول قد ماعشت ماعمر خش بيتنا سباك سعودي ولا كهربائي سعودي ولا عمري شفت عامل نظافه سعودي سبحان الله يتفشلون من الاشغال ذي ولايتفشلون يجلس بالبيت وياخذ حافز
وانا ماعممت انا قلت الاغلبيه وبحكم اني اشوف الشارع متروس اجانب اجل الاكثريه انا حتى زوجي عاطل حاولت فيه يقدم عالوظائف حتى لو بشركه وايش كان الرد لا انا سعودي اشتغل في اماكن زي كذا وش يقولون عني الناس بلاش الكبر ذا الواحد يرضى باي وظيفه مو شرط كرسي دوار ومركز مرموق والخ شوف السعودي لاشتغل وشوف الاجنبي
للعلم والله العظيم ماني متحيزه لاحد بس انا اتكلم بالعقل