اقتباس:
المشاركة الأصلية كتبت بواسطة بروسيوس
اختي طيور احنا بنتكلم عن الوظائف اللي يشتغلها الاجنبي وابن البلد لو تكلم قلتوا مابيشتغل سواااااااااق وعامل نظافه و بياع في محل مكياج
هذي متنازلين فيها لوجه الله للاجنبي
احنا نبغى مثل الامارات بالضبط المواطنين بوظائف ممتازه او على الاقل على حسب مؤهلاته والاجنبي يجي في المرتبه التاليه بعد المواطنين هذا اللي نبغاه بس
واذا الحكومه تقول لا احنا نبغى سعوديين عمال وسباكين وحلاقين وسواقين اوكيه ماعندنا مشكله بس لا تعطي الاجنبي كل التسهيلات والامكانيات وتقول يلاه يالسعودي اشتغل ويتفاجئ ان قدامه جبال من الحواجز والمعوقات اقلها ان الاجنبي يكفيه القليل من المال لان ديرته اللي جاي منها مستوها المادي اقل بكثير من المستوى المادي بالسعوديه
يعني اذا البنغالي يكفيه بالشهر 1000 ريال السعودي ماراح يكفيه هالاف اسبوع اتمنى انك فهمتي فكرتي
ا
|
طبعا اكيد فاهمه الفكرة ..
مدرى وش اقولك صح دائئما ينحط اللوم ان السعودي مايحب يشتغل وبالمقابل والله حتى الحريم عندنا مو شاطرات ذاك الزود في بيتها وهالشغلات ..
الاجانب يتفوقون علينا من ناحية الرجال والنساء ,, يعني الحرمة الاجنبية في تربيتها في اولادها وتعاملها مع زوجها وعملها في بيتها افضل مننا وكذلك رجالهم في تحمل المسؤليات والعمل افضل ..
وهي مسألة راجعه للتربية .
لكن العمل بالوظائف الي هي زبال وعامل وكذا هذه حتى لو اشتغل سعودي فيها يعني المشكلة نظرتنا لهذه المهنة ننظر لها نظررة دونية ماعندنا احترام للعمل اياً كان نوعه ..
اشوف الناس الي غيرنا في الدول الثانية سبب انهم يعملون في مطعم في محطة وغيرها لانهم يحترمون العمل ولا يجدون ان هذا انتقاص بالعكس عمل شريف ويحترم ..
وما الوم السعودين او السعوديات لو رفضو بعض المهن لانهم راح يلاقون اهانات من الناس الي ماراح تحترمهم ..
انا مدرى كيف الاجانب والشغالات متحملين اهانات بعض السعودين والله ياهم يتعاملون معهم بتعالي وغرور واحتقار وسب الله لا يحطنا بهالموقف ..
والله يا البنات الي يشتغلون في السوق اشوف بعيونهم انهم حاسين بالاقلية بسبب هالمهنة بس الحاجة حدتهم ..
انا رحت لمدارس المملكة الي فيها ثلاث ارباعهم اجنبيات بس والله تعال شوف تعاملهن قسم بالله طول الوقت الابتسامة والكلام الحلو اللبق وكيف يتعاملون مع البنات ماشاء الله عليهن نفسيات جميلة انا نفسي بكون كذابة لو قلت اني اذا اشتغلت ابصير زي نفسيتهن 
..
اخوي بروسيوس الله يرزقك بالوظيفه انت وعابر الي تتمنونها ويرزق الجميع ياارب ..