اقتباس:
المشاركة الأصلية كتبت بواسطة عاطل الريآض
وعليكم السلام ورحمة الله وبركاته
أهلآ بكِ يا أختي في البدايه، و أسال الله العظيم رب العرش العظيم أن يرزقك بالوظفيه عاجلاً غير أجل يا رب
والله يوفقكم جميعاً ويرزقكم بالوظائف اللي تبون يا رب ويفرج همومكم وأحزآنكم ويسعدكم دوماً يا أخوتي أينما كنتم
..
بالنسبه للوظائف يا أختي، فيه قطاعات عسكريه كثيره فيها قسم نسائي وطبعاً فيها المريح وفيها اللي فيها تعب
ومشقه عليكم، وفيها بعد خطر على صحتكم وعلى أرواحكم وبنسبه كبيره لبعض الوظائف ..
طبعاً يا أختي أمثله للقطاعات اللي فيها وظائف نسائيه مثل:
| المباحث العامه + البحث الجنائي + الاستخبارات + الشرطة + السجون + المخدرات + الجوزات + حرس الحدود ]
وفيه طبعاً غيرها من القطاعات الأخرى الكثير ..
..
وهذي القطاعات العسكرية يا أختي فيه منها اللي حلو في العمل وبسيط وتكونين مرتاحه نفسياً للعمل
وأقرب مثال عندك الشرطة بالدرجة الاولى والمباحث العامه بدرجة بسيطه، لان أعمالها بسيطه جداً في الأغلب ..
..
وفيه منها اللي | الله يعين | تكون نسبة الخطر كبيره جداً وتكون فيها مشاكل وإحتمال لا سمح الله تودي إلى الوفاه ..
ومنها المخدرات بالدرجة الأولى لان فيها مداهمات لمواقع مختلفه وطبعاً تختلف طبيعة العمل من قسم إلى قسم
وعلى حسب طبيعة العمل حينما تحضرين عندهم عند مباشرة العمل، وكذلك نفس الشي لحرس الحدود لانها في
مناطق نائيه وبعيد جداً عن أهلك وبيتك وتوجهين فئات مختلفة من الاشخاص منها الصاحي والمجنون والعاقل ..
..
طبعاً يا أختي هي في الأول والأخير هذه الوظائف تعتمد على طبيعة الشخص .!
مثال على ذلك: كل شخص منا يميل إلى قطاع أو وظيفه أو شي يحبه، فٌ البعض يحب الأكشن وشغل المدهمات
المفاجئه للأماكن أو شخص ثاني يحب العمل الميداني ويرتاح له مثل عمل نقاط التفتيش كالدوريات أو في المطارات
وشخص أخر يحب العمل الإداري " المكتبي " ولا يحب الاحتكاك مع الجمهور والاشخاص في العمل الميداني والخارجي
وشي طبيعي البعض يفضل العمل دوامات والبعض إستلامات والبعض الأخر شفتات " أوقات متفرقة " ..
..
في الأخير يا أختي: نصيحتي لكِ ونصيحه لباقي الأخوات هناً .،
أنتيِ شوفي اللي تفضلين واللي ترتاحين وترغبين فيها من من العمل وعلى حسب طبيعة الشغل، وقرري القطاع
أو المكان المفضل لديك، وبأذن الله تتيسر أمورك وتقبلين في الوظيفه اللي تبين يا رب ..
...
طبعاً الآخوان والأخوات ما قصروا وعطوك أشياء كثيره عن الموضوع، الله يعطيهم العافيه وذكورا عدة نقاط ..
بس فيه وظائف جميله جداً ومريحه جداً جداً وطريقة التقديم عليها بأذن الله إنها بسيطة وهي تحت مسمى:
وظائف مفتشات أو حراسات وبالعاميه تسمى " سجانات " وفيها الإداري وتكون في مكاتب وفيه بعد الميداني حسب
طبيعة العمل وإذا كان فيه حالات تستوجب إنك تطلعين مع الحريم يدقون عليك وتطلعين معهم ..
وطبعاً يكون العمل في أقسام الشرط الداخليه في منطقة الرياض ويكون التعييم فيها ويدقون عليك إذا فيه حريم
وتكونين معهم سجانه أو حارسه لس عشان الحريم وطبعاً معاكم عسكري رجال، وفيها مثل هذه الوظائف وتكون
في المحاكم الشرعيه مثل: | المحكمه العامه | بالرياض والعمل فيها حلو ودومات أو على إتصال وعلى حسب طبيعة
العمل ولكنها متعبه قليلاً من ناحية الدوام، وليس بذلك التعب بالنسبه للبنات اللي باقي شباب ما شإء الله
لان فيه حريم كبار في العمر ولا يقدرون على التعب
فٌ " الله يمد في عمرهم يا رب ويوفقهم ويسعدهم جميعاً يا ربوينور قلوبهم ويسعدهم يا رب أينما كانوا " ..
وطبعاً هذه الوظائف ليست عسكريه ولكن تتبعين للقطاع العسكري من ناحية العمل فقط ورواتبها حلوه مره
وتقريباً فوق الـ 5000 ريال وكلما كانت الشهادة والخبره اعلى كلما كان الراتب أعلى، وعملها مريح جداً وخاصه اللي
يكون التعيين بمراكز الشرطة ..
ويكون التقديم على هذه الوظائف با أختي عن طريق الشؤون الإدارية والمالية بمنطقة الرياض بحي المنصوره
وبجانب مطعم كرم العرب وقريبه جداً من أسواق الجزيره ..
وطبعاً طريقة التقديم عليها هي: كتابة معروض وتبدين فيه ظروفك وحاجتك للعمل ومن هالكلام وتكتبين أسمك
في أخر المعروض مع وسيلة التواصل معاك وترفقين معها صور من الموهلات العلمية وباقي المستندات وتحطينها
بملف علاقي أخضر وتعطينهم الملف وهم راح يعطونك العلم الأكيد هناك، وفيه لهم فرع نسائي هناك وراح تكونين
موظفه بنظام وزارة الخدمة المدنية وليس بالنظام العسكري ولك راتب ثابت وتكوني موظفه حكومية رسميه ..
..
أخيراً: وفقك الله يا أختي أينما ذهبتِ وأسعدكِ ربي وبدل أحزآنكِ إلى أفراح ودمعاتكِ إلى ضحكات يا رب
وأعتذر جداً على الإطالة في الرد، ولا أطلب منك إلا دعوه في ظهر الغيب بالشفاء العاجل ودعوه لـَ أخوه أحبهم في الله
وأن يشفيهم ربي ويعافيهم ويوفقهم ويحقق لهم جميع أحلامهم ودعواتهم يا رب ..
وباقه معطره لقلوبكم الطاهره جميعاً .. 
ودمتم بحفظ الرحمن
|
الله يوفقك ع الافآدِةَ ردك اثرائي بالمرتبة الإولىَ لي و لغيريَ حابه تدخل بهالمَجآ’لَ وفي اشياء توضحت لي ماكنت عارفتهمَ
و الشكر بحقك قليل ربي يوفقكُ و يرضى عليِكَ و يشفي مرضآكِمَ و مرضى المُسلميِنْ
نورك طآغي الله يسلمِكَ وماقصـرت