المشاركة الأصلية كتبت بواسطة أصل العرب

أبرز ما لاحظت في نظام العمل...؟
أممممم حاولي تذكري النقاط الإجابية في وزارة العمل يعني بالعربي أمدحي لكن دون مبالغة عمياء... يعني تكلمي مثلاً عن أنظمة وزارة العمل أو قوانينها أو بعض الإجراءات الي فيها ولكن بطريقة الملاحظة .... يعني تمحورينها على أساس أنها ملاحظات أنتي شفتيها ....!

ما هو التخطيط..؟
التخطيط باختصار هو عملية اتخاذ قرارات لتحديد اتجاه المستقبل <<< لكن حاول تتكلمي بالتفصيل يكون أفضل يعني تفلسفي شوي في الإجابة ...

أما الفائدة من التخطيط فهي تاخذينها من نفس إجابتك على تعريف التخطيط .... يعني مثلاً لو ما قمنا بالتخطيط ما راح نحقق الأهداف المرجوهـ وبالتخطيط نستطيع الوصول إلى أهدافنا ..

طريقة الإرسال التي تتبعها حين التواصل مع الزملاء ....؟
حاولي تذكري أكثر من طريقة مع التركيز على المفضلة لديك ..... يعني مثلاً تقولي إن بتتواصلي عن طريق الجوال ( أي أرسال المعلومات عن طريق المحادثة) وممكن تتواصلي عن طريق الرسائل القصيرة أو الإيميل ولكنك تفضلي الصوتية على الاَخرى...!

لماذا قدمت على هذه الوظيفة.؟
عاد هذي تحتاج منك ذكر أسباب مقنعه وغير سلبية في نفس الوقت .... يعني لا تذكري بسبب الحاجة إلى الوظيفة .... أو إنك مجرد باحثة عن الوظائف وكانت هذي فرصة بالنسبة لك ....!
لا خلي المعلومة توصل لها بأنك راغبة في هذه الوظيفة ولديك دوافع إيجابية لك وللوظيفة مستقبلاً ..... وهذا يعتبر تخطيط بالنسبة لك ....

كيف يكون تعاملك مع زملاء العمل..؟
مثلاً: أتعامل مع الزملاء بكل أريحيه وود في حدود بيئة العمل وذلك لتحقيق الأهداف المرجوهـ ...
<<<< بإكانك إظافة الكثير والكثير عليها ...!


أتمنى أكون أفدتك ...

المشاركة الأصلية كتبت بواسطة سوسو الشماليه

وظيفة مساعد مفتش عمل*
تبوك السبت13-4-1434هـ
سوسو الشمالية(2)
ميشو الحربي(3)
تسواهم(3)
ورد وزهر(3)
غندالوايلي(5)
مستقبل حلو(2)
هيزو(3)
لوح الكراميل (2)
كلكم المرتبه السادسه ولا في منكم الرابعه

المشاركة الأصلية كتبت بواسطة ماكو حظ

السلام عليكم ورحمة الله وبركاته
انا اختبرت اليوم مساعد اداري طبعاً رجال
تتدخلون وبعد مايشوفون العدد ازداد وحضر كثير يبدون المقابله انا ارسلولي ان المقابله الساعد 10 ودخلت المقابله الساعه 9ونص المهم نتدخل دغري فالمقابله ينادونك وتروح عند اثنين يبدون يقطون الميانه معك شوي ضحك وبعدين يبدأ الحشر يسألون:

عن مهام وزارة العمل وبعدين سألوني عن الحاسب وتعرف تسخدمه قلت ايه قال وش تعرف في الحاسب قلتله برامج المايكروسوفت قال وش البرامج اللي تعرفها قلتله الوورد والاكسل والأكسس .....الخ
قال وش تعرف في الاكسل قلتله دالة اف والجمع والطرح قال وغيرها بديت اضيع قال خلاص كويس وبدأ يسألني اسأله عامه عن حياتك من وين مثلا اسأله شخصيه بختصار المهم حاولوا يربكوني ويرفعون ضغطي بس اعطيتهم خاااامس وماخذ الوضع ايزي ومبتسم معك صح نشفوني بس الامور انشاء الله تمام بس والله متسااااهلين وماتوقت المقابله كذا حلووو جداً بس خليك هاااادي ولاتكذب اللي ماتعرفه قلهم مااعرف بس اوعدكم ابتعلم انشاء الله وبس

(والله اول مارجعت قلت لازم افيد اخواني اتمنى افدككككم وأبي دعواتكم الحلوه بس)

المشاركة الأصلية كتبت بواسطة ربآه عفوك أرجوه

[align=center]
السلام عليكم ورحمة اله وبركاته

اليوم الحمد لله أجريت المقابلة الشخصية وهي عبارة عن الاتي :
- عرفنا بنفسك .
- ماذا تعرف عن الوزارة وما هي برامجها ؟
- لماذا ارغب بترك عملك الحالي ؟
- ما هي مهام الوظيفة المتقدم لها ؟


انتهت المقابلة ثم طلب مني المسؤل صورة من المؤهل وصورة من بطاقة الهوية الوطنية .

مدة المقابلة 8 دقائق فقط ، من التصويت على اسمي حتى خروجي من اللجنة لم تستغرق مدة المقابلة 8 دقائق .

كل واحد فيكم يكون هادي ولا يضحك كثر حتى لو المسؤل قام ينكت ولا تحاول تطيح الميانه وتجلس تسولف .

وفقني الله وإياكم
[/align]

المشاركة الأصلية كتبت بواسطة أحساس طفل

الحمد الله خلصنا المقابلة وارتحنا منها الي يعمل المقابلة شخص واحد وأنت ونصيبك فيهم الزين وفيهم الشين

أنا حظي جابني عند واحد أستفزازي بدرجة اولى تخيل يوم سئل عن مهام المساعد الاداري ومهمام وزارة العمل

وجاوبت بكل ثقة يقول وش عرفك بالاسئلة أنت سئلت الي اختبرو امس قلت له لكل مجتهد نصيب وأنا أنسان

أجتهدت و ذاكرت جلس يسئل عن رقم السجل المدني هل أنت حافظه وتاريخ الميلاد وبعدين قام يتفلسف وش

نوع دخانك وقبيلتك معروفه ؟ أنا جاي أناسبه والا اعمل مقابلة شخصية ... المهم ما ارتحت له ... بالعكس فيه

شباب اختبرو عند غيره ويمدحونهم واسلوبهم كان ممتاز . الله يوفق الجميع وبأذن الله تعبنا ما يروح هدر

الاسئلة كانت ما هي مهام المساعد الاداري ... وش تعرف عن وزارة العمل ... وش تعرف عن الحاسب الالي

واذا شافك تعرفها وجاوبته صح يجلس يتلكع معك ويحاول يستفزك

المشاركة الأصلية كتبت بواسطة عاطل محفز

شباب اهم شي
تكون عندك معلومات عن وزاره العمل +علي الوظيفه الا انت مقدم عليها

ويسالك ايش هوا التخطيط
تحب العمل الجماعي او الفردي
هذا الا افتكره

المشاركة الأصلية كتبت بواسطة عبدالله الخديدي

يَ أخوان انا اخذوا مني صورة شهادة الثانوية + صورة بطاقة الاحوال + السيرة الذاتية .
مدري عاد وش معنى ناس خذوهـآ وناس لآ ،، عسى في الأمر خير .
تحيااتي ..