اقتباس:
المشاركة الأصلية كتبت بواسطة مزيونه حبك
اخت ترف معقوله فيه شي اسمه واسطة ويوظفو عليها ؟؟ والله العظيم سالت ويقولو مافي لا واسطات ولا شي كله نظام على الكمبيوتر ومحد يقدر يدخل احد بواسطه اقسم بالله هدا اللي سمعته ،،، علشان كدا انا اقول مستحيل فيه ناااس لحد الحين يتوظفو يواسطة وبعدين نفسي اعرف هذ البنت اللي دخلت بثانوي وعلى ايام الامر الملكي دخلت كيف مو يقولو بس للبكالريوس استبعدو كثير كيف هذي دخل اسمها يعني اللي دققو في بياناتها ماقالو لا ماتتوظف ياله فهميني ياقلبي ؟؟؟  |
ياقلبي أنتي يازقينك زقينااااه بس
هذا النظام والتدقيق على عامة الشعب
لكن اللي له أحد وواسطته قوية
مايحتاج أصلا يقدم هذا كله خرطي وكمبيوتر للعالم كلها
لكن اللي لها أحد ولايتسجل أسمها أصلا في الجهاز
زي الجامعات والتقديمات اللي عليها الحين كله يعنني نظام صارم وواضح
وشفافيه قدام الشعب أن النظام يقبل نسبة معينه
وزي الماستر يوم مايقبل إلا جيد جدا
والله الذي لاإله إلا هو اللي تعرف أحد في الجامعه تروح وتحط أوراقها
ولايحتاج توصيات ولامقابله ولاخرطي
بالضبط
حنا مانحسدها ولانطالع لها هي بعينها
حنا نقول الواسطات ذبحتنا عموما
وفي شتى المجالات مو بس الوظائف
شوفي الحين قصة وزير الصحة ذا والدم وش جاه اللي نقل دم
؟؟
وش صار على الضعيفه البنت الحين وش يبا ينفعونها فيه
من غير الأخطاء الطبيه يموتون العالم ويغلطون ويرجع لوظيفته لأن له واسطه قويه
حنا مانقول ذي ونحسدها بس حنا نقول عموم الشعب اللي عايش على الواسطه
ياحبيبتي أنتي حتى الحرم الحين واسطه وهو بيت الله لعموم المسلمين
أماكن معينه يحجزونها الموظفات في الحرم للناس الهاي هاي والضعوف بررا فل فل
كل مكان الحين فيه واسطه المستشفى أنرزع من 8 إلى 12ونص
أحتري الأرقام وتجي وحده معها بنتها من روضه الساعه 10 تخش
ليه عشان تعرف الدكتور أو الممرضه وتضحك معها
هذا مو واسطه يالله قولوا رزقها أنها تدخل قبل ورعنا
ياناس أفهموا وش معنى واسطه
لاتعني حسد لاتعني أننا خبيثات
هذا ظلم ماأحد يرضاه
الفساد عم في كل مكان والظلم والله العظيم موجود
البنوك أيام حافز
نأخذ مواعيد ونجي من قبل لايفتح البنك مرابطين
كل يوم
ينتهي أسبوع نحتري الأسبوع اللي بعده
وننتظرهم واقفين حتى مافيه كراسي
والسستم عطلان والسستم عطلان
وترسل وحده والله العظيم شوف عيني
العامله تجيب لها بطاقة أحوال من برى وتكلمها جوال قدامنا ولايهمك الآن أزبطها إيه إيه وصلتني ؟؟؟
يالله من أولى الحين اللي منرزعين من الصبح وينتظرون وينتظرون وبرررررررررررريك صلاة الظهر وبعدين بكل برود كذا
ليه النظام أشتغل معها وحنا لا
يالله ذي أرزاق بعد هذا ظلم والظلم ماأحد يرضاه
يابنت والله الواسطه مليانه
وأنا مو عشان الثانوي أو غيرها أو غيرها
والله ربي عالم بنيتي
أنا أتكلم عموما عن الأشياء اللي شفتها والمهازل
وخصوصا في جامعة طيبه وفي دوائر المدينة لناس معينه
حتى الحرم اللي هو الحرم
وسلامتكم