المشاركة الأصلية كتبت بواسطة أسم العض

هذآ اللي صار ومعروف من اول مااعلنو ع الوظايف



المشكله اني الى الان ماقريت رد لواحد يقول انقبلت مشكله اهل الواسطات مايدخلون منتدى او ينتظرون 12 ساعه قدام الجهاز ..

الواحد مننا مايبي الا انه يستر على نفسه وظيفه يعز نفسه فيها عن خلق ربه

اذا بغينا شركات الراتب ماراح يكفيك ولا فيه امان وظيفي ولا فيه جهه مختصه تحمي الموظف

وظايف حكوميه واسطات مثل هذا التسجيل وغيره وغيره وغيره

حطمونا ودمرونا وادرسو وشهايد وكملو وكل واحد يجمع من هالشهايد من دون اي فايده

انا ويعلم الله اني اتخبى عن اهلي وجماعتي كله عشان لايحسون فيني لاني اكره نظرتهم لي باني عاطل

ماخلينا شئ الا وقدمنا فيه وراح عمرنا على الفاضي وبالاخير مستفدنا ولا شئ

يكفيك لما تسولف مع ابوك ومابيده حيله كيف نظرته لك تكسر الخاطر ..

جدتي الله يحفظها ويخليها تقول لي روح للملك خله يوظفك (( راحت ايام الملك فيصل الله يرحمه ))

وكل هذآ على مسمى أنت سعودي تبالي

حسبي الله ونعم الوكيل